Аўтарынак «Ждановічы» захапілі каўказцы

Усё. Finita la commedia! На нашым «другасным рынку» амаль не засталося нічога беларускага: свежых машын мала, прапанова б/к з Расіі павялічваецца, а сярод «перакупаў» усё больш каўказцаў.

Аўтарынак «Ждановічы» захапілі каўказцы

Добры дзень, Расійская Федэрацыя? Good bye, Еўропа!

Пра змены на «другасным» рынку і заробкі шараговага перакупшчыка піша партал abw.by.

Рынак — гэта сталы дыялог за жыццё, машыны і краіну. На кожным кроку адны славяць да нябёсаў стан свайго тавару, а іншыя ахвотна вераць у іх казкі. Скардзяцца на ўладу, расказваюць байкі пра звышудалыя продажы, даюць рэцэпты выхаду з крызісу. Дзвюх гадзін на пляцоўцы аўтарынка ў выходны дзень хапае, каб адчуць, чым жывуць простыя пакупнікі і «перакупы». Галоўнае — умець слухаць.

Па-першае, «б/к» з Расіі — ужо не экзотыка.
«Пяцёрка» BMW у 39-м кузаве, якая стала для многіх культавай, — яркі гэтаму прыклад. Асабліва не напружваючыся ў пошуках, знаходзім такі аўтамабіль на расійскіх транзітных нумарах: 57-ы рэгіён — Арлоўская вобласць, геаграфічна блізкая да Беларусі. Але сутнасць тут не ў стане або цане — дагледжаная машына і ў Расіі каштуе грошай, перакупшчыка ж цікавяць самыя танныя варыянты. Справа ў самім з’яўленні. Высокія мыты ўводзілі ў тым ліку пад лозунгам «пазбавіцца хламу на дарогах!» Атрымайце і распішыцеся — «упілкі» з Расіі пацяклі ў Беларусь. Мы бяднейшыя, таму лозунг можна адкарэктаваць так: «адпраў хлам з Расіі ў Беларусь!» На жаль, на куплі такіх машын ужо абпальваюцца людзі.

— У цябе першая такая, з Расіі? А я ўжо адну прадаў «калгаснікам» з Навагрудка, — чуем ля машыны на расійскіх «транзітах». — Дык яны мне праз тыдзень патэлефанавалі: маўляў, не можам паставіць яе на ўлік. Вядома, не паставяць. Дамова куплі-продажу павінная быць складзеная ў Расіі, у ПТС мусіць адзнака стаяць. Што зрабіў? Ды паслаў іх у «Рашу», хай самі з гаспадаром разбіраюцца. Захацелі танна купіць — купілі. Астатняе — не мае праблемы…

Па-другое, некаторыя перакупшчыкі кінулі сваё рамяство або стрымалі апетыты:

— Памятаеш, калі зарабіць 800–1000 даляраў за выходныя было раз плюнуць? Можна было машыну тут купіць, тут жа за дзень і прадаць. А цяпер што? За 500 баксаў — месяц маразоў. Ты паглядзі, колькі «асоб каўказскага выгляду» (зменена аўтарам) стала. Увесь хлам звезлі. Людзі нашы звар’яцелі — ганяюцца за 20-летнімі Audi і VW. Ды хто ж такую машыну ў добрым стане на рынак выставіць?! Я і сам сабе ўзяў бы якога Passat B4 бензінавага, але дзе яго знайсці? Больш-менш зарабляюць багацейшыя перагоншчыкі, якія могуць сабе дазволіць прыгнаць машыну з вялікім аб’ёмам. Астатнія перабіваюцца з капейкі на капейку…

Доўга шукаць свежыя машыны з маторамі вялікага аб’ёму таксама не давялося. Hyundai Santa Fe 2010 г. стаў «прахадным» літаральна два тыдні таму. Аўтамабіль прыбыў з Амерыкі. Першасны агляд паказаў, што было перафарбаванае левае пярэдняе крыло, але пра гэта прадавец адразу сказаў:

— Можаце паглядзець Title, усе сэрвісныя дакументы. Хаваць, што машына была бітая, не бачу сэнсу. Замянілі цалкам элемент, потым яго пафарбавалі. Вось, няма адной кантрольнай налепкі, — паказвае прадавец на крыло ў месцы стыку з капотам. — Астатняе самі бачыце: салон як новы, рухавік «шэпча», скрынка пераключацца без рыўкоў. На задняй восі гума слабаватая, але на гэта я скіну…

Такі падыход не тое каб парадаваў — мы былі проста прыемна здзіўленыя. Бо на рынку што не машына, то эталон. А тут сумленныя каментары, адэкватны падыход. Праверыўшы такую машыну па VIN, яе можна смела гнаць на СТА для больш глыбокага агляду. Калі рабілася толькі крыло, а геаметрыя кузава засталася цэлай, то можна думаць. За $24 тыс. нядрэнны варыянт для тых, хто хоча шмат аўтамабіля за мінімальныя грошы.

Павелічэнне колькасці перакупшчыкаў небеларускага выгляду таксама відавочнае.
Я люблю грузінаў, магу знайсці агульную мову з армянамі, але перакупшчыкі — гэта іншы народ. Памятаеце, яшчэ год-два таму яны займалі хіба што першыя два рады — тыя, што бліжэй да пунктаў грамадскага харчавання? Цяпер жа іх канцэнтрацыя нашмат больш шырокая. Акрамя звыклых BMW у гэтай катэгорыі прадаўцоў новы трэнд — Land Rover Freelander першага пакалення і Hyundai Santa Fe пачатку і сярэдзіны 2000-х. Не цураюцца таксама непапулярных камплектацый з АКП або з монапрывадам (у выпадку з «карэйцам»).

Вырашаем праінспектаваць адну з машын, прапанаваных «дзецьмі гор». Перад намі Hyundai Santa Fe першага пакалення 2003 г. з бензінавым двухлітровым рухавіком. У заяўлены прабег крыху больш за 100 тыс. км паверыць хацелася б, але не лёс: стан абіўкі сядзенняў і сцёрты руль гавораць самі за сябе. Рэч у тым, што такая ж машына з «сумленным» прабегам 215 тыс. км знаходзіцца ва ўласнасці аднаго нашага пастаяннага чытача, але стан салона там непараўнальна лепшы. Прадавец не ведае магутнасці рухавіка, не можа сказаць, які ў машыны расход, а нюансы абслугоўвання для яго таямніца за сямю пячаткамі. Перад намі «перакуп класічны»: «Як брату скажу: машына ў ідэале. Бяры, сябра, не пашкадуеш».

Падводзячы вынік апошняга паходу на аўтарынак «Ждановічы», так і хочацца крыкнуць: «вялікі брат» ужо на нашых аўтарынках! Пакуль машын з расійскай «прапіскай» мала, але яны ёсць. У выніку цана возьме сваё: многія мадэлі ў Расіі ўжо таннейшыя, чым у РБ, таму машын на расійскіх «транзітах» усё больш. Павелічэнне колькасці перакупшчыкаў з Каўказа, зразумела, нацыянальнай бяспецы не пагражае, але гэта выразны сігнал: у Расіі робіцца «цесна», прадаваць «хлам» усё больш складана, а беларусы ў большасці выпадкаў па-ранейшаму арыентуюцца на мінімальныя цэны — прадаваць ім лягчэй. Калі тэндэнцыя захаваецца, праз пару-тройку гадоў ад беларускага «другаснага» аўтабізнэсу застануцца толькі прыемныя ўспаміны — будзем купляць машыны з Тулы з рук Ашота.

abw.by

Наша Ніва / NN.BY – незалежная газета. Яна існуе на ахвяраванні і грошы з продажаў. Таму яна адлюстроўвае інтарэсы беларускага грамадства, а не дзяржавы. Наша Ніва была заснаваная ў 1906, адноўленая ў 1991.
Ахвяраваць грошы на НН праз WebMoney
Ваша імя (неабавязкова):
Сума (WMB):
Serg напiсаў(ла) 7 сакавiка 2013 у 12:17
Хоць артукул і перадрукаваны, але карысны. Уласны аўтааглядальнік вам не перашкодзіць.
Матарыст напiсаў(ла) 7 сакавiка 2013 у 12:53
Аналiтыка прыгожая, але я не згодны з пафасам аўтара. Беларусы куплялi патрыманыя машыны ў ЕС, паднялiся на гэтым, але цяпер - iншыя часы. Лепшыя маркi збiраюць у Расi - i еўрапейскiя, i азiяцкiя i амерыканскiя. Таму Сэканд хэнд з Расii - гэта не ганебна, а звычайна (а па правозу - камфортна). Як з гэтым працаваць каўказцы першыя зразумелi (ад агульнай эканамiчнай прасторы нiкуды не дзецца нi апазiцыянерам нi, прабачце, "пазiцыянерам"). I крыху пра фiлалогiю: называць каробку перадач "скрынкай" - архаiзм. Яна - каробка (скрынкi i скрыначкi для iншага). Крыху пра сябе: ежжу на "Хэндаi" расiйскай зборкi - i такi добра едзе!
$ напiсаў(ла) 7 сакавiка 2013 у 13:35
Матарыст нам твая агульная эканамічная прастора не патрэбна, як не патрэбна усе тое, што пагаршае узровеньжыцця людзей, ды абмяжоўвае магчымасці для стваральнай дзейнасці.
Vital напiсаў(ла) 7 сакавiка 2013 у 13:36
Матарыст, у Расеі ніколі не маглі зрабіць добрую машыну, таму і зараз тое што збіраюць там адрозніваецца ад таго, што збіраюць у ЕЗ. (магу параўнаць, бо ездзіў на Кэмры расейскай і бельгійскай зборкі).Другое, у ЕЗ людзі, у большасці, больш пільна сочаць за станам сваёй машыны, чым у Расеі. Таму сэканд хэнд з Расеі - гэта, менавіта, ганебна і набываць яго я б нікому не пажадаў.
Аматар напiсаў(ла) 7 сакавiка 2013 у 13:46
$, давай досвиданья!
TUT напiсаў(ла) 7 сакавiка 2013 у 13:59
За 500 баксаў — месяц маразоў. А найти другое место работы им совесть наверное не позволяет?
$ напiсаў(ла) 7 сакавiка 2013 у 14:20
Аматар, шчаслівай дарогі. Маскву не праспі.
$, давай досвиданья! напiсаў(ла) 7 сакавiка 2013 у 17:40
Ну, гэта дзікі сібірак. Памятаю на газоне ўцаху на зборцы працавалі 20 чалавек сталых рабочых на іх 200, а мо і болей. зэкаў, салдат, студэнтаў.Якая там зборка. Але для расейцаў і тое цуд тэхнікі. яны нічога добрага ніколі зрабіць не маглі. Ну, а беларусаў давялі.
Австрияк напiсаў(ла) 7 сакавiка 2013 у 18:35
Поддерживаю кстати идею с собственным автообзором (не знаю, колонки отдельной) для автомобилистов. Уж если есть "каханне и сэкс" :)
Мага борцуха напiсаў(ла) 7 сакавiка 2013 у 19:30
Красавчики жи есть. Кавказ в моде при любой погоде.
гаспадар лiтоускi напiсаў(ла) 7 сакавiка 2013 у 19:55
матарысту Пра якасныя аўто з Рашкі:лепшага хламу не было і не будзе! А можна ўвогуле выцянуць ў хачаў левую машыну,ў гэтым яны спяцы.
Дадаць каментар (прэмадэрацыя)

Націсканьне кнопкі «Дадаць каментар» азначае згоду з рэкамендацыямі па абмеркаванні.

Спам-фільтр: падлічыце, колькі будзе...

не бачу сімвалы
Галоўнае
Дашлі сваю навіну
Усе навіны
Курсы валют
24.10 НБ РБ
USD 10690
EUR 13520
RUB 258
PDF-версія
24
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Гарачыя тэмы
© ПУП «Суродзічы». Усе правы абароненыя. Выкарыстанне матэрыялаў дазваляецца пры ўмове спасылкі (для інтэрнэт-рэсурсаў - гiперспасылкi) на «НН»
Кантакт з Рэдакцыяй: пошта: nn@nn.by; тэлефоны: +375 17 284-73-29 (тэл./факс), +375 29 613-32-32 (Velcom), +375 29 707-73-29 (МТС). Skype: nashaniva
Дызайн сайта ТО «Brama»
www.brama.by
brama.art@gmail.com
Сістэма Orphus RATING ALL.BY