07.03.2013 / 12:14

Сычоў аддадзены на чатыры месяцы ў арэнду мінскаму «Дынама»

29-гадовы форвард маскоўскага «Лакаматыва» Дзмітрый Сычоў аддадзены ў арэнду мінскаму «Дынама».

Футбаліст будзе выступаць за беларускі клуб да 15 ліпеня, паведаміла дынамаўская прэс-служба.

Сычоў далучыўся да «Дынама» 3 сакавіка на зборы ў Турцыі. На наступны дзень ён правёў за каманду другі тайм спарынгу з валгаградскім «Ротарам» (1:0).

Дзмітрый Сычоў выступаў за зборную Расіі ў 2002–2010 гадах. У 2008 годзе ў яе складзе стаў бронзавым прызёрам чэмпіянату Еўропы.