Рупар эпохі: «Беларусы — гэта славянскія немцы» — гутарка з Галінай Яшчанкай

Стась Карпаў гутарыць з беларускай, якая вярнулася з-за мяжы ў Валожынскі раён.

Летась журналісты «Нашай Нівы» зрабілі відэасюжэт пра сям'ю бізнэсоўцаў-беларусаў, якія пераехалі ў Валожынскі раён, каб сын мог гадавацца ў беларускамоўным асяроддзі.

Вядучы нашаніўскага ток-шоу «Рупар Эпохі» Стась Карпаў завітаў да Галіны і распытаўся ў яе пра жыццё ў вёсцы, беларускамоўнасць, талерантнасць і многае іншае:

1) Пра дзяцінства: «У нас не было беларускай мовы ў сям’і, беларускіх кніжак на ноч. Гэта не наша гісторыя зусім».

2) Пра людзей вакол: «Яны не вельмі цікавяцца тым, што адбываецца на дзяржаўным узроўні».

3) Пра беларускасць: «Для мяне — гэта свядомы выбар. Для іх (вяскоўцаў) беларускасць — гэта ад жыцця».

4) Пра вандроўкі: «Дзе б мы ні былі — мы шукалі людзей з падобнымі поглядамі».

5) Пра першую паездку за мяжу ў дзяцінстве: «Гэта быў шок. Мне паказалі марозіва і сказалі выбраць!»

6) Беларусы «на фоне»: «Я чула, што беларусаў называюць славянскімі немцамі».

7) Пра талерантнасць: «Прынята лічыць, што мы талерантныя, але да шмат якіх пытанняў увогуле — мы не суперталерантныя. Да тых жа геяў».

8) Пра памяркоўнасць: «Узровень памяркоўнасці ў нас вельмі высокі».

9) Пра асіміляцыю ў Еўропе: «Там цяжка стаць членам грамадства, калі ты не ведаеш мовы, культуры».

10) Пра мову і перспектывы: «Няма руху на беларусізацыю».

11) Пра аўтарытарызм «імя сябе»: «Гэта было б крута, але — няправільна».

12) Пра жаданне, каб беларусы вярталіся на Радзіму: «Асноўны фактар, які стрымлівае людзей вяртацца — гэта эканамічны».

Стась Карпаў, Таццяна Гаўрыльчык, Ірына Арахоўская

Наша Ніва / NN.BY – незалежная газета. Яна існуе на ахвяраванні і грошы з продажаў. Таму яна адлюстроўвае інтарэсы беларускага грамадства, а не дзяржавы. Наша Ніва была заснаваная ў 1906, адноўленая ў 1991.
Ахвяраваць грошы на НН праз WebMoney
Ваша імя (неабавязкова):
Сума (WMB):
3001 напiсаў(ла) 7 сакавiка 2013 у 13:54
sam takija parawnan'ni dawno pryvodziw
$ напiсаў(ла) 7 сакавiка 2013 у 14:47
У часы як збройнага супрацьстаяння так і суседства шмат магло узнікнуць агульнага у поглядах двух народаў. Не толькі забівалі адзін аднаго, але і вучыліся адзін у аднаго..
Ranger напiсаў(ла) 7 сакавiка 2013 у 15:31
Кажуць, што продкі сучасных беларусаў, якія стварылі ВКЛ сапраўды прыйшлі з Германіі, выцесьненыя германскімі плямёнамі. Таму ў беларускай мове так шмат агульных тэрмінаў з нямецкай (зьдзівіўся, калі яе вучыў).
Маруся напiсаў(ла) 7 сакавiка 2013 у 16:01
Прыемна ужо тое , што прыгожа гаворыць па-беларуску .
Ась напiсаў(ла) 7 сакавiка 2013 у 17:01
2Ranger Это наверно Лютичи были с острова Руян (по Пушкину Буян а в наши дни он зовётся Рюген)
Че напiсаў(ла) 7 сакавiка 2013 у 17:37
Очень интересная передача, спасибо, Станислав! Буду ждать еще!
канстатацыя напiсаў(ла) 7 сакавiка 2013 у 19:19
Рэферэндум той не быў сапраўдным, бо быў праведзены ў стане суцэльнай аднабаковай прапаганды і мова было проста выкарыстана, каб змяніць сімвалы і канстытуцыю.. Слухаць цікава, людзі прыгожыя... Спачатку было аж занадта кранальна. Фу! напаследак :-) - стаміўся вядучы
Таццяна напiсаў(ла) 7 сакавiка 2013 у 21:22
Ці есць у Магілеве недзяржаўная суполка беларускай мовы? Куды звяртацца? Я пенсіянерка, і калі патрэбна мая дапомога ў распасюджванні беларускай мовы, я б папрацавала.
нацыяналіст напiсаў(ла) 7 сакавiка 2013 у 21:29
Прыемна слухаць разумную жанчыну, хоць часам яна перабірае па ўзроўню талерантнасьці )))
шалтай-балтай напiсаў(ла) 7 сакавiка 2013 у 21:35
Дзякуй, Стась, чакую наступнай перадачы!
Несцераў напiсаў(ла) 7 сакавiка 2013 у 21:37
У Еўропе не чысцей, чым у Мінску (а Ню-ёрскае метро — гэта наагул сметнік). Прычына банальная — страшна высокая цана гадзіны (у параўнанні з нашай краінай). Гэта робіць бессэнсоўным не толькі штодзённае прыбіранне вуліц, але і расследаванне многіх (адносна дробных) злачынстваў.
Anna напiсаў(ла) 7 сакавiка 2013 у 21:50
Год наза мадам всем активно втирала, что она она раскрутит свой мыльный бизнес по максимуму. Очень смешно было слушать, если учесть, что рынок сбыта микроскопичный по сравнению с тем, на который она могла бы выйти в Европе или Америке. А теперь очевидно, что с продажами не совсем розово, поэтому оказывается, это хобби. Очень смешно.
Nieścieraŭ напiсаў(ла) 8 сакавiка 2013 у 0:26
Anna, Mnie było-b śmiašniej, kali-b vašecin kamentar sychodziŭ ad śviedamaj asobiny z nacyjanał-aryjentavanym biznesam. Ale ŭličvajučy movu vašych kihikańniaŭ, śmiajacca vam zarana.
Anna напiсаў(ла) 8 сакавiка 2013 у 17:31
To Nieścieraŭ: У меня две компании и с бизнесом всё в порядке - если вы про это спрашиваете.И кстати работают на меня люди в Беларуси, а также в других странах Европы. А насчёт Ященко, я с ней общалась лично пару лет назад, когда она только начинала петь песенки про то, как в Беларуси - рай для бизнеса. У нее просто не хватило сами решайте чего, чтобы утвердиться в нормальной стране, и быть сильной личностью. Вместо этого, она показала себя максимально неприятно, как ограниченная хамская мадама, о которую раньше вытирали ноги и которая теперь на публике ломает комедии, а в реальных вопросах не может даже поддержать разговор и поэтому тупо срет (простите мой русский) на всех, абсолютно не соображая. Поэтому все это ломание комедии от лица ограниченной домохозяйки, притворяющейся большой бизнес вуман мне смешно.
Міхаська напiсаў(ла) 9 сакавiка 2013 у 11:52
Тацьцяна, ёсьць, мясцовая абласная арганізацыя ТБМ http://vk.com/tbmmahilou
на мыла напiсаў(ла) 9 сакавiка 2013 у 12:17
Anna ....... Не дурыце галавы! Вы ўжо дастаткова сябе паказалі - вялікі і магучы вам дапамог.
Здагадлівая напiсаў(ла) 9 сакавiка 2013 у 12:38
Дзякуй. Вельмі цікава і прыемна слухаць і бачыць. І гераіня вартая сімпатыі і сапраўднай павагі і вядоўца, як кажуць, дастаўляе. :) Шкада. не глядзела падобных перадачаў раней.)
Галіна Яшчанка напiсаў(ла) 9 сакавiка 2013 у 14:55
Anna, вы ня маеце рацыі і захоўваеце сябе па-хамску, што паказвае ваш узровень адукацыі і выхаванасьці. 1) "активно втирала, что она раскрутит свой мыльный бизнес по максимуму... а теперь очевидно, что с продажами не совсем розово" З чаго вы гэта ўзялі? Мыла KARALI - пасьпяховы праект, прыносіць прыбытак, прадаецца ў 22 крамах у 10 гарадох Беларусі і працягвае расьці. Мы рэгулярна атрымліваем прапановы на супрацоўніцтва з крамамі і з Расеі, Украіны некаторых еўрапейскіх краінаў. Але для мыне прыярытэт - беларускі рынак. Я мераю свой максімум колькасьцю беларусаў, якім падабаецца наш прадукт. Усё ў нас добра, не хвалюйцеся. А так, для вашага ведама, любы старт-ап (рэальная вытворчасьць, а не купі-прадай), у любой краіне пры разьвіцьці праходзіць дзьве асноўныя кропкі: а) калі бізнес пачынае сябе акупаць і прыносіць даход - добрым лічыцца, калі гэта адбываецца на працягу году ад моманту запуску; б) калі бізнэс вяртае ўсе ўкладзеныя на яго запуск грошы - добрым лічыцца, калі гэта адбываецца на працягу году ад запуску 2) "Очень смешно было слушать, если учесть, что рынок сбыта микроскопичный по сравнению с тем, на который она могла бы выйти в Европе или Америке." Anna, вось тут вы адкрыта паказваеце, што з сапраўдным бізнесам знаёмыя паверхнева. Памер рынку далека не асноўны крытэр прыбытковасьці. Рынак можа быць вялікі, але поўнасьцю заняты канкурэнтамі, ён можа быць вялікі, але не расьці і стагніраваць. Не кажучы ўжо пра тое, што памер рынку мае дачыненьне толькі да прыходаў, а кіраваньне расходамі ня менш уплывае на прыбытковасьць, чым даходы. 3) "У меня две компании и с бизнесом всё в порядке" Ну дык назавіце сябе адкрыта, назавіце свой бізнес, які ў ім сэнс. А то адныя толькі словы. 4) "как в Беларуси - рай для бизнеса" Я сваёй думкі не зьмяніла, а наадварот, замацавала яе. У Беларусі сапраўды няблагія варункі для вядзеньня малога-сярэдняга бізнесу. У Беларусі канкурэнцыі ў шмат якіх сферах амаль не існуе, танная працоўная сіла, няма рэкету. Нават прысьвячаючы сваёй справе ня больш часу, чым хоббі, можна мець прыбытак. 5) "притворяющейся большой бизнес вуман" Паважаная Anna (ці як вас там рэальна завуць), ніхто не зьбіраецца адымаць у вас вашыя лаўры. Мне ня трэба нікому нічога даказваць, я самадастатковы чалавек, які мае ўсе, пра што ён марыў у жыцьці. У мяне ёсьць добрая адукацыя, высокааплочваймая цікавая праца ў сусьветнавядомай кампаніі, каханыя муж і сын, я жыву ў сваёй любімай краіне ўва ўласнапабудаваным доме, размаўляю на роднай мове і маю магчымасьць мець свой бізнес у якасьці хоббі, займацца ім у сваё задавальненьне, ствараць прадукты, якія нясуць беларускасьць, і не парыцца адносна прыбыткаў. Чаго і вам жадаю.
Николай напiсаў(ла) 9 сакавiка 2013 у 17:00
Анна, в ваших словах так и сквозит, бо-белорусски выражаясь, "бабская зайздрасць". Пока что если кто себя в комментариях и проявил как "хамская мадама" (или "хамская мадмуазеля"?), так это вы. Чем это вызвано - говорить вслух не буду, но догадываюсь ;-) У вас две компании - ну, ничего себе. Даже у Уоррена Баффета одна, а у вас целых две. Результаты работы в студию, просим! Кстати, если посмотреть по рейтингу Всемирного банка, то Беларусь занимает довольно неплохое место по удобству ведения бизнеса - обогнала и Болгарию и Чехию. Про Россию вообще слов нет, она где-то на задворках. Ничего не хочу сказать - да, в стране авториторизм, люди в тюрьмах сидят. Но вот если хоть кто-то не будет делать национальный бизнес, то что вообще тогда с нами будет? Вот тут люди растят сына как белорусы, дают работу другим людям - пускай это не "евроопт" по охвату рынка, ну и прекрасно! Да еще и не купи-продай, а что-то производят. Не вижу тут никаких поводов истекать жельчью. Молодцы! Аня, не парься, вдохни глубже, весна идет, все наладится. Don't worry, be happy!
жабця напiсаў(ла) 9 сакавiка 2013 у 17:25
Купляла мыла КARALI, спадабалася. Бедную аnnu калоціць ад зайдрасці.
Че 2 Галiна Яшчанка напiсаў(ла) 9 сакавiка 2013 у 18:28
"У мяне ёсьць добрая адукацыя, высокааплочваймая цікавая праца ў сусьветнавядомай кампаніі, каханыя муж і сын, я жыву ў сваёй любімай краіне ўва ўласнапабудаваным доме, размаўляю на роднай мове і маю магчымасьць мець свой бізнес у якасьці хоббі, займацца ім у сваё задавальненьне, ствараць прадукты, якія нясуць беларускасьць, і не парыцца адносна прыбыткаў. Чаго і вам жадаю." Галина, ведь именно поэтому про вас и снимают передачи, а такие леди, как достопочтенная Anna способны только на то, чтобы в комментах засветиться) Галина, спасибо вам за то, что вдохновляете людей примером собственной жизни. Вы и ваш муж - молодцы, и я желаю вам не останавливаться на достигнутом и добиваться еще больших успехов!
Ілья напiсаў(ла) 9 сакавiка 2013 у 19:04
У вядучага штучная мова. Хоць і знешнасць, і ўсё астатняе - усё ок. А вось адчуваецца, што беларуская мова ў яго не родная. І што па жыцці ён ёю не карыстаецца...Сумна
rupar_epohi_2_Iлья напiсаў(ла) 9 сакавiка 2013 у 19:41
Вас падманула Ваша пачуццё. Так што не сумуйце.
парада напiсаў(ла) 9 сакавiка 2013 у 20:57
Галіна, вы цудоўная жанчына, але мне здаецца, што лепш каб вы болей не пералічвалі тое, што ў пункце 5. Так, між іншым, але не ў такім выглядзе, на які вас справакаваў троль пад нікам анна
Алесь Аляхновіч напiсаў(ла) 9 сакавiка 2013 у 23:00
Галіна, дзякуй яшчэ раз за натхняльны прыклад таго, што ў Беларусь можна вяртацца і рабіць слушную справу - гадаваць дзяцей, рабіць бізнэс альбо займацца тым, да чаго душа імкнецца. Зычу сямейных і прафэсійных посьпехаў! --- Anna, Калі вы такая разумная, пасьпяховая і самаўпэўненая, то прадстаўцеся. Бо ананімкамі займацца, гэтай савецкай практыкай, у вас, як усе ўжо пасьпелі зразумець, ня выйшла. Не зайздросьціце так, гэта шкодна для вас і вашага навакольля.
мазырчук напiсаў(ла) 9 сакавiка 2013 у 23:40
З асалодай паслухаў Галіну! Вялікі дзякуй! таварышч Anna, Вас жабка заядае! Галіна расла і выхоўвалася ў заможнай сям'і Небеларусаў ( фінансы яе бацькі Мікалая Яшчанкі адрадзілі і ўзьнялі на вяршыню футбол у Мазыры, адным з найлепшых сябраў у М. Яшчанкі быў галоўны камуніст Мазыра) , яна магла, мякка кажучы, чхаць на беларушчыну, але ж яна зь сястрою сталі Нашымі! Пажыўшы столькі за мяжою, вярнуцца ў нашую "стабільнасьць" - гэта для сучаснага жыхара Беларусі проста геройства!
літвінка напiсаў(ла) 10 сакавiка 2013 у 8:30
мазырчук .... Вуха рэжа гэтае - сям'я небеларусаў.. не бела русаў. Чорнарусаў? Жоўтарусаў? Без літвінства аніяк мы не вытлумачым самі сябе. Без праўдзівага літвінства. І вось спадарыня Яшчанка - проста ікона літвінства!:-)
rupar_epohi напiсаў(ла) 10 сакавiка 2013 у 11:49
Божа-божа..."ікона літвінства", "не выцтлумачым самі сябе". Я сябе вытлумачу. Галіна сябе па-мойму досыць канкрэтна вытлумачыла. Якое літвінства? Якія жоўтарусы? У мяне такое ўражанне, што некаторым людзям мала наяўных праблем. Ім трэба змагачча з віртуальнымі.
Janina напiсаў(ла) 10 сакавiка 2013 у 12:06
Вельмi прыемная жанчына !
літвінка напiсаў(ла) 10 сакавiка 2013 у 12:38
Найпаважаны і найфайны рупар! Не хвалюйцеся так - столькі памылак нарабілі:-) Кожны чалавек мае свае ідэі-фікс. У мяне іх таксама ёсьць.:-) Але якраз ідэя літвінства, ў занядбанасці якой, корань ўсіх бедаў маёй Радзімы, нарадзілася ў ва мне зусім нядаўна. Проста ад прысутнасьці на НН. Раптам - як азарэньне!:-) Вельмі дарагая яна мне. Не думаю, што калі-небудзь перастане быць актуальнай. Адраджэньне - хіба гэта нешта іншае? Але цікава, як менавіта вы вытлумачыце нашую агульнасьць? Нашую - як народа. Менавіта ў плане дзяржаватварэньня. І карані праблемаў, што апанавалі нашу зямлю, ў чым бачыце?. Пакуль агульнае паміж намі - Мова і савецкая Беларусь, якая знішчае гэтую мову.
rupar_epohi_2_літвінка напiсаў(ла) 10 сакавiка 2013 у 15:43
І вы і наша ўлада бачыце героіку выключна ў мінуўшчыне. Вы капаеце глыбей - на палову тысячагоддзя. Яны - на палову стагоддзя. Вы ў ВКЛ, яны ў СССР. Карані нашых праблемаў не ў абыякавасці да літвінства. Карані праблемы ва ўсеагульным выбарчым праве і недасфарміраванай нацыянальнай ідэнтычнасці. Мы можам хоць бакананістамі ўсе назвацца. Галоўнае, каб усе сябе імі адчувалі) Разумееце, немцам не трэба называць сябе "пріскімі жаўнерамі", каб ведаць пра веліч нямецкай гісторыі. ВКЛ - ідзн з этапаў гісторыі нашай краіны. Ён не самы нацыянальны. Ён, нажаль, самы яркі. Я б ужо закончыў нарэшце рабіць фетыш з мінулага. Нават самага велічнага.
літвінка напiсаў(ла) 10 сакавiка 2013 у 16:26
Пра які фетыш рэй? І я, і ўлада...:-) гучыць занадта. Тым больш, што ўлада карыстае тое, на чым пабудавана яе існаваньне. А мяне хвалюе толькі пытаньне: Хто я? І чаму так ёсьць, як ёсьць. Мне важна зразумець прычыны. Мяне цікавіць самаідэнтыфікацыя.. Проста невыносна бачыць гэтых харошых, прыгожых, адукаваных людзей, якія, як бараны будуць казаць: хоць у Расею, абы не лукаш. .. Ці яшчэ якую лухцень барановую:-) Сфармулюйце ж яшчэ раз - як нам усім трэба сябе адчуваць і як трэ сябе называць адпаведна? (нічога не магу з сабой парабіць - мне сорамна называцца беларускай, але я таксама да слёз люблю Беларусь.. халера ясна)
rupar_epohi_2_літвінка напiсаў(ла) 10 сакавiка 2013 у 16:49
Мне не сорамна называць сябе беларусам. ЗА гэта быў расстраляны мой прадзед http://be.wikipedia.org/wiki/%D0%90%D0%BB%D1%8F%D0%BA%D1%81%D0%B0%D0%BD%D0%B4%D1%80_%D0%9C%D1%96%D0%BA%D0%B0%D0%BB%D0%B0%D0%B5%D0%B2%D1%96%D1%87_%D0%A1%D0%B0%D0%BA Мае бацькі называюць сябе беларусамі. Мае дзяды называлі сябе беларусамі. Мае прадзеды маглі называць сабе хоць палякамі хоць беларусамі хоць тутэйшымі. Сутнасць у тым, што я - не этнонім. Я частка нацыянальнасці. Фанетычна саманазва любога народа можа вар'іравацца. Гэта - не істотна. Часткай ВКЛ быў Скарына, часткай Рэчы паспалітай - Міцкевіч, Часткай Совецкой Белоруссіі - мой любімы Андрэй Мрый, ці Янка Купала. Часткай рэспублікі Беларусь паспеў стаць Быкаў і не паспеў Караткевіч. Ведаеце, тут як у анекдоце: "мне б Вашы праблемы, Мар'я Іванаўна)
літвінка напiсаў(ла) 10 сакавiка 2013 у 18:16
Нешта няма ў нас дыскусіі.. Так - крычымо ў рупар суседу ў вуха.. І пра мар'ю шчэ шукаць .. Некаторыя паміралі і са словам сталін на вуснах. Але я прачытала пра вашага прадзеда. Безумоўна - вам ёсьць чым ганарыцца. Я толькі не разумею вашай логікі ў адносінах да зноў-такі ідэі літвінства, калі вы кажаце, што мы можам называцца - як заўгодна, казаць - што заўгодна, размаўляць - як заўгодна і пры гэтым, нейкім чынам, сфармаваць такі недасфармаваную нацыянальную ідэнтычнасьць. Якім, канкрэтна, чынам? Ідэя Беларусі пакуль што не недастаткова эфектыўнай выяўляецца.. Але, напэўна, адзіна магчымай у тых гістарычных варунках. І ў гэтых - сёняшніх? А вось гэта - пытаньне.. Колісь, падчас летняй практыкі, мы трапілі ў Каўнас. Начальнік аддзелу запрасіў нас - каб паразмаўляць і пачаў з гісторыяў пра нашу нейкую адзіную дзяржаву... А мне і праз дзесяць год пасля таго не было справы да высвятленьня гэтага пытаньня.. Дастаткова было сказу ў гісторыі архітэктуры Беларусі, што літоўскія феадалы эксплуатавалі бедных беларускіх сялян.. А маім сяброўкам - і зараз да гэтага няма справы.. Напалм.
rupar_epohi_2_літвінка напiсаў(ла) 10 сакавiка 2013 у 19:03
Вы пакрыўджаны на сучасную афіцыйную прапаганду і пераносіце тыя крыўды на назву краіны і народа, ствараючы для сябе утульны свет, дзе ўсё кепскае - беларускае, а ўсё добрае - ліцьвінскае. На справе і кепскае і добрае і савецкае і ліцьвінскае - яно ўсё беларускае. Калі праз 50 год мы будзем называцца ВКЛ-ам і станем манархіяй - я, хто ведае, можа быць шчыра буду гэта вітаць з таго свету) Але зараз мне проста смешна гэта чуць. Калі ваша (умоўна) мама была ў дзяцінстве прыгожай і здаровай і насіла прозвіча свайго бацькі, а пасля узяла іншае прозвішча (скажам - мужа) і раптам захварэла - не варта ад яе патрабаваць вярнуць сабе прозвішча бацькі і абяцаць ёй, што яна адразу паправіцца. Трэба думаць, як ёй дапамагчы. Яе трэба, разумееце, любіць.
мазырчук напiсаў(ла) 10 сакавiка 2013 у 19:07
Шаноўная паня літвінка! "Без літвінства аніяк мы не вытлумачым самі сябе. Без праўдзівага літвінства"- я з Вамі згодны на 100%! Я гэтай ідэяй жыву ад пачатку 2000-х. Але ж ідэі нельга навязваць, трэба асьвятляць , прапагандаваць і папулярызаваць! А тут напісаць,што сям'я Галіны - Нелітвіны проста недарэчна, бо на вялікі жаль бальшыня жыхароў Беларусі проста савецкі народ,нават тыя,хто нарадзіўся ў " лукашэнкаву эпоху" .
літвінка напiсаў(ла) 10 сакавiка 2013 у 20:23
Спадар мадэратар, больш каментаў, акром гэтага, ад мяне ў гэтай тэме - не прапускайце, калі ласка. Сп. мазырчук, дык якраз і трэ было б назваць іх літвінамі, бо нават не сумняюся ў іх літвінскіх каранях. Гэтае - небеларусы - разанула вуха.. Але гэта толькі нашыя меркаваньні - не больш... Рупар эпохі, вы мяне расчароўваеце.. Вы ўвесь час спрабуеце распавесці мне, што я адчуваю..:-) што я пакрыўджана і што ўсё беларускае дрэнна, а ўсё нейкае літвінскае добра.. Параўнаньні нейкія недакладныя.. Сучаснае літвінскае - гэта Беларусь. Беларускае ёсць прадаўжэньнем літвінскага. Але такім дазаваным прадаўжэньнем, кіраваным з іншых сталіцаў.. Мо каб(дазволю сабе каб) не была Беларусь раздзеленая паміж Польшчаю і Ссср, дык і зусім бы бальшавікі не цацкаліся з Бсср.. Задаволіліся б толькі абяцанкамі... Маем тое, што маем. Маем мыла "Каралі" ў тым ліку. У тым вельмі, вельмі доўгім ліку.
вова напiсаў(ла) 10 сакавiка 2013 у 22:45
вельмi прыгожая дзяучына
Міхась напiсаў(ла) 10 сакавiка 2013 у 23:40
Чакаем гутарку Стася з літвінкай!
rupar_epohi напiсаў(ла) 11 сакавiка 2013 у 10:56
Дарагія мае. "Рэкорд", калі яго так можна назваць (а яго так нельга назваць) пабіты) Другі выпуск паглядзела болей людзей, чым першы: усім зякуй за прыхільнасць і давер). Наперадзе шмат цікавых людзей. Ёу.
пара лель... напiсаў(ла) 11 сакавiка 2013 у 11:29
:) вовачка... - тут прыгажосьць жанчыны ужо... за мужам.
Зычлівец напiсаў(ла) 11 сакавiка 2013 у 14:20
Другую частку інтэрвію пачынаючы з Даніі лепей было б не глядзець. Бо калі нават такія патрыёты не разумеюць мэханізмаў іншаэтнічнай ды культурнай акупацыі што да мусульманаў у Заходняй Эўропе, дык крыйбожа, каб яны прыйшлі да ўлады тут: беларусы тады вынішчыліся б ня толькі духоўна, а й фізычна яшчэ хутчэй, чым цяпер. Чамусьці гераіня перадачы не абрала сабе за мужа якога афрабеларуса ці араба беларускамоўнага, а менавіта тутэйшага з родным ёй тыпажом. Ня думаю, што гэта выпадковасьць. Дзе ж лёгіка? Дарэчы, Галіне няварта ўсё ж адмаўляцца ад свайго беларускага паходжання, кажучы пра бацькоў з Украіны ды Расеі. Бо адзін зь ейных бацькоў акурат паходзіць з Чарнігаўшчыны, якая ня ёсьць Украінай у этнаграфічным сэнсе, а менавіта беларускай зямлёй з адпаведнымі дыялектамі ды насельнікамі. Тое самае тычыць Расеі, калі ейныя продкі, напрыклад, паходзяць з той жа Браншчыны ці Смаленшчыны (калі гэта так). Таму свой комплекс "іншаэтнічнасьці" няварта культываваць ды выстаўляць вонкі ўсё ж. Менавіта беларускае паходжанне Галіны, як і пачутыя можа ад якой бабулі з Чарнігаўшчыны родныя словы ў дзяцінстве, маглі стаць штуршком для выяўлення сваёй беларускасьці пазьней і ў гераіні, і ў ейнай сястры. Прынамсі вонкава ды характарам Галіна выдае на сапраўдную беларуску.
Сьцепаніда напiсаў(ла) 11 сакавiка 2013 у 19:47
Ніякія мы не немцы, ня горш за немцаў. Чаму гэта некаторым карціць заўсёды сябе параўноўваць зь немцамі?
раніца напiсаў(ла) 12 сакавiка 2013 у 6:21
.зычлівец Бо калі нават такія патрыёты не разумеюць мэханізмаў іншаэтнічнай ды культурнай акупацыі што да мусульманаў у Заходняй Эўропе, дык крыйбожа, каб яны прыйшлі да ўлады тут: беларусы тады вынішчыліся б ня толькі духоўна, а й фізычна яшчэ хутчэй, чым цяпер. ....... Сьвет зратуе прыгажосьць. Думак - у першую чаргу. Так - я ні разу не была ў бежанскіх лагерах і таму мо ня ведаю жыцьця...:-) Але якраз гэтыя развагі і былі важныя - бо нарэшце ЧАЛАВЕЧЫЯ развагі на гэтую тэму, а не ўскрыкі шакаваных белых славянскіх немцаў. Хіба, што вы не чыталі "Хаціну дзядзечкі Тома".. А як жа Амерыка, бедная, жыве?
Цётка напiсаў(ла) 12 сакавiка 2013 у 6:35
А Вам, Стась, асабістая парада. Як "Рупару" НН. Падвучыце, калі ласка беларускую мову! Дзякуй!
Зычлiвец напiсаў(ла) 12 сакавiка 2013 у 16:38
Амэрыка сапраўды цудоўна жыве, зьнішчыўшы культурна ды фізычна аўтахтонаў-індзейцаў. Толькі ж беларусы - гэта хутчэй індзейцы. Ня ведаю, дзе вы там пабачылі "прыгажосьць думак", бо ў вочы кідаецца найперш недальнабачнасьць або няшчырасьць. Інакш чалавек "палілкарэктненька" не казаў бы, што ня бачыць нічога заганнага ў прэцэдэнце з каляднай ялінай, калі ўжо й самі эўрапэйцы пачалі паціху прызнаваць свае памылкі, а мы ўсё ніяк у талерантнасьць не нагуляемся... Прыкра.
Галіна Яшчанка напiсаў(ла) 12 сакавiка 2013 у 22:44
Паважаны Зычлівец, мне прыемна, што вы спрабуеце знайсьці ў маіх продкаў беларускія карані, але, нажаль, у мяне няма продкаў-беларусаў. Няўжо вы думаеце, што я ня вывучыла гэтае пытаньне дасканала? Мая мама з Уралу і ўсе яе продкі адтуль ці з яшчэ больш глыбокай Расеі. Мой тата сапраўды з Чарнігаўшчыны і я спецыяльна замаўляла ягоны радавод у Чарнігаве, каб разабрацца з паходжаньнем. Мае продкі недзе 10 пакаленьняў таму пераехалі на Чарнігаўшчыну з Палтаўшчыны, яны украінцы. І нават каб яны не пераяжджалі, яны лічылі і лічаць сябе ўкраінцамі. Нельга называць усіх людзей, што жывуць на Чарнігаўшчыне - беларусамі. Па той жа самай няслушнай логіцы ў Польшчы любяць прылічваць да палякаў тых, хто жыве на Гарадзеншчыне, а ў Расеі некаторыя прылічваюць беларусаў да рускіх, бо Беларусь была калісьці часткай Расійскай імперыі. Людзі, якія жывуць на памежных тэрыторыях, павінны самі для сябе вызначыцца, хто яны. І мае продкі лічылі сябе ўкраінцамі. У гэтым няма нічога кепскага, мой дзядуля вельмі адданы ўкраінец, вельмі любіў сваю краіну. Гэта ў мяне ад яго такая прывязанасьць і любоў да месца, дзе я вырасла, а вырасла я ў Беларусі, я беларуска і люблю Беларусь. Але да Ўкраіны я вельмі цёпла стаўлюся, ведаю мову, дома ў нас шмат украінскіх кніжак. Я часта называю сябе паляшучкай - і маю поўнае права, я нарадзілася на ўкраінскім Палесьсі, мае бліжэйшыя продкі аддтуль, а вырасла я на беларускім Палесьсі. Што тычыцца "іншаэтнічнай" акупацыі Даніі, то ўсе вашыя выказваньні па тэме - абагульненыя словы і абвінавачаньні ў мой бок. Давайце лепш паразмаўляем на мове лічбаў і фактаў: 1. У Даніі ўсяго 2-3% мусульман. Гэта проста мізэрна, пра якую акупацыю ідзе гаворка? Столькі ж мусульман жыве ў Канадзе, амаль столькі ж ва Ўкраіне. Для параўнаньня, у Расеі - 13%. http://ru.wikipedia.org/wiki/%D0%98%D1%81%D0%BB%D0%B0%D0%BC_%D0%BF%D0%BE_%D1%81%D1%82%D1%80%D0%B0%D0%BD%D0%B0%D0%BC 2. Калі маеце на ўвазе акупацыю "этнічную" то тут таксама сітуацыя вельмі спакойная. У Даніі 89,6% насельніцтва маюць дацкае паходжаньне, гэта больш, чым беларусаў у Беларусі (83,7%). http://en.wikipedia.org/wiki/File:Population_of_Denmark_1.January_2012_by_ancestry_and_continents_of_origin..gif Прычым, з пазасталых 10% - 3,4% паходзяць з Заходніх краінаў (Еўрапейскі Зьвяз, Скандынавія, ЗША ды інш.) і толькі 6,6% - з Усходу (уключаючы Азію, Афрыку і нават габрэяў і цыганоў туды ж залічваюць). Так што гэта таксама мізэрна мала. 3. Я пражыла ў Даніі некалькі год, і добра бачыла грамадзтва знутры. Няма там у іх "этнічнай" акупацыі. Гэтыя мігранты добра асымілююцца, і даны робяць шмат захадаў, каб гэта працавала: бясплатныя курсы дацкай мовы і культуры, летнікі і г.д. У маёй універсітэцкай групе вучылася некалькі чалавек з эмігранцкіх сем'яў, дык яны лічылі сябе сапраўднымі данамі, ведалі мову, культуру, традыцыі, нават у дацкую лютэранскую царкву хадзілі. Таксама і на працы ў мяне былі людзі з недацкімі каранямі - дык іх нават ніхто не мог падумаць называць "акупантамі". А Лорын са Швецыі, якая перамагла ў Эўрабачаньні? Таксама акупантка Швецыі? Ці той жа Аляксандар Рыбак? Яшчэ адзін прыклад добрай асыміляцыі. 4. Яшчэ раз паўтару, што прыклад з ялінай - гэта абсалютна лакальны прыклад, у гэтым годзе так размеркавалі грошы, у наступным размяркуюць па-іншаму. Ну так здарылася, што з гэтых 2-3% мусульман частка жыве канцэнтравана ў пэўным муніцыпалітэце, ну і хай сабе. Тое самае, калі б у нас дзе-небудзь у Іўі вырашылі ў пёўны год на нейкае мусульманскае сьвята выдадкаваць больш грошаў, чым на іншыя. Ну і што, жывуць там шмат беларускіх татараў, яны ж таксама беларусы. А калі вы нязгодны з маёй пазіцыяй, дык прыводзьце лічбы і факты, а не абразы. А то неяк непрыгожа атрымліваецца.
Зычлiвец напiсаў(ла) 13 сакавiка 2013 у 20:24
Галіна, даруйце, але я ня ведаю, дзе вы пабачылі ў мяне абразы. У гутарцы ішлося ня толькі пра Данію, а й Заходнюю Эўропу ўвогуле, у прыватнасьці Бэльгію. Таму гэта ўжо не лякальны выпадак, як вы сьцьвярджалі. Існуе дастаткова дэмаграфічных досьледаў па блізкіх з Даніяй краінах, дзе паказваецца ня толькі наяўная доля розных этнасаў, а - галоўнае - дынаміка павелічэння колькасьці іншаэтнічнага насельніцтва, пераважна мусульманскага веравызнання, за кошт натуральнага прыросту ці мяшаных шлюбаў (што пададзеная Вамі статыстыка ня ўлічвае). І прагноз робіцца ўжо маласуцяшальным для аўтахтонаў. Дарэчы, ніхто асобных выбітных эмігрантаў акупантамі не называў, не прыпісвайце мне домыслаў, калі ласка. Папросту калі НЕАСЫМІЛЯВАНАЯ ў культурным пляне частка грамадства становіцца значнай (прыкладам - хаця б той муніцыпалітэт у Даніі), іхная культуру фактычна становіцца выцясьняльніцай аўтахтоннай, то бок культурай новай большасьці. Гэта відавочна. На жаль, часам недастаткова пажыць у адным рэгіёне, каб зразумець тэндэнцыі ды маштаб зьмяненняў, што спадарыня добра прадэманстравала. Быццам не існуе ў той жа Даніі праблемаў з мусульманскім засіллем ды злачыннасьцю на выспе Фюн ды інш., або з габрэямі ды грынляндцамі, якіх асабліва перасьледуюць дацкія мусульмане, што нават нацыянальнае сьвята 21 чэрвеня ў г. Орхус давялося адмяніць з 2008 г. празь бяссілле паліцыі. І такіх прыкладаў безьліч, хоць Данія сапраўды зьяўляецца краінай ЭЗ з самым жорсткім міграцыйным заканадаўствам дзякуючы нядаўнім высілкам правай ДНП. Вось спадарыня казала, што ведае імігрантаў Даніі, якія паводле яе нібы адчуваюць сябе датчанамі ды ведаюць тамтэйшую культуру й мову як сваю. Але гэта толькі асобныя прыклады суб'ектыўнага публічнага пазыцыянавання, а фактычна мы маем ужо прэцэдэнты з "пляўком ў твар" карэнным датчанам ды мясцовай ТРАДЫЦЫІ як у тым жа муніцыпалітэце, у якім рашэнне прымалі відавочна адукаваныя, зь веданнем мовы, сацыялізаваныя іншаэтнічныя чальцы. Пры гэтым адначасова прыкладна ў 10 (!) разоў большыя сродкі былі выдаткаваныя на сьвяткаванне ЧУЖОГА для той мясцовасьці сьвята Курбан-Байрам, хоць гэта не адпавядае рэальнай прапорцыі насельнікаў. Гэта й ёсьць нутранай культурнай і фізычнай акупацыяй. І аргумэнты спадарыні кшталту - каб карэнныя жыхары самі тады выбіраліся ў муніцыпалітэт - патыхаюць ці то наіўнасьцю, ці то цынізмам, бо ў рэальнасьці калі большасьць жыхароў муніцыпалітэту ўжо складаюць мусульмане (хоць бы нават яны сябе датчанамі называлі для вас), аўтахтоны ў той муніцыпалітэт ужо наўрад ці трапяць у дастатковай колькасьці. Асабліва пасьля прэцэдэнтаў фізычнага перасьледу ды запужвання пратэстантаў супраць гэтага рашэння, частка зь якіх папросту зьедзе назаўжды з гэтага раёну, як і з шматлікіх іншых. Пра іх вы чамусь не падумалі, напісаўшы ў беларускім духу "ну і хай сабе"... І гэта толькі першыя праявы нарастаючых культурна-этнічных дыспрапорцый. Падобных праблемаў ужо зашмат, каб рабіць выгляд, што ўсё нармальна. Сваё Косава можа зьявіцца ў любой краіне неўзабаве. P.S. Параўнанне беларускіх татараў-аўтахтонаў з новасьпечанымі грамадзянамі краін ЭЗ усё ж недарэчнае, бо яны не зьмянялі традыцый краіны, якая іх прытуліла, а наадварот вельмі добра іх дастасоўвалі да свайго жыцця. Ды й колькасна гэта зусім іншая сытуацыя. P.P.S. Галіна, калі адзін з вашых шматлікіх продкаў пераехаў на Чарнігаўшчыну ажно 10 пакаленняў таму, дык гэтая кропля "палтаўскіх" генаў у моры далейшых чарнігаўскіх практычна незаўважная (калі толькі ўсе ягоныя нашчадкі ня бралі сабе ўвесь час жонак з Палтавы)). Вы наадварот пацьвердзілі гэтым, што паходзіце як мінімум напалову ад беларусаў у этнічным сэнсе. А этнічная прыналежнасьць усё ж не залежыць ад жадання. Іншая рэч, што нацыянальнае самаўсьведамленне можа быць другім, але гэта ўжо праблемы асобнага чалавека, а ня роду ў цэлым. А згаданая вамі Гарадзеншчына этнічна польскай ня была ніколі, у той час як Чарнігаўшчына паводле этнаграфічных прыкметаў была й ёсьць беларускаю, таму вашая лёгіка тут хібная. Дарэчы, я таксама маю продкаў з Уралу, але ж як высьветлілася, яны насілі шляхецкае вялікалітоўскае прозьвішча ды былі відавочнымі перасяленцамі з больш заходніх абшараў Расейскай імпэрыі, хоць і пісаліся ў дакумэнтах "рускімі". Хто ведае, колькі насамрэч тых нашчадкаў гвалтоўна пераселеных беларусаў розных эпохаў на Ўрале ды ў Сібіры. Расейскія генэтыкі агучвалі неяк свой досьлед, дзе фігуравала лічба каля 30 % супольных зь беларусамі генаў у жыхароў Заўралля. Праўда, у апошнім я магу памыляцца.
Галіна Яшчанка напiсаў(ла) 18 сакавiка 2013 у 14:16
О, а размова ўсё працягваецца). То Зычлівец Імігранты Зычлівец: “У гутарцы ішлося ня толькі пра Данію, а й Заходнюю Эўропу ўвогуле…” Я ня ведаю, якая дакладна сітуацыя з імігрантамі ва ўсёй Заходняй Эўропе. Гэта зашмат краін і ў кожнай зь іх сітуацыя свая, я ня спец па гэтым пытаньні. Таму і ў інтэрв’ю і ў каментарах я каментавала і каментую толькі сітуацыю з імігрантамі ў Даніі, дзе я прынамсі жыла, вучылася і працавала. Зычлівец: “На жаль, часам недастаткова пажыць у адным рэгіёне, каб зразумець тэндэнцыі ды маштаб зьмяненняў,” Калі жывеш у сталіцы краіны, дзе безьліч свабодных СМІ, на працягу некалькі гадоў, то хочаш/ня хочаш, пачынаеш ведаць пра асноўныя праблемы грамадзства краіны і пра іх маштабы. Зычлівец: “галоўнае - дынаміка павелічэння колькасьці іншаэтнічнага насельніцтва, пераважна мусульманскага веравызнання” Давайце глянем дынаміку. У Даніі забаронена афіцыйна регістраваць рэлігійную прыналежнасьць грамадзян, таму афіцыйных статыстычных дадзеных няма, ёсьць ацэнкі розных крыніц. Я ўзяла ацэнкі Амерыканскага дзяржаўнага дэпартаменту і дыпламатычнага корпусу (дадзеных з афіцыйных дацкіх крыніцаў, каб абедзьве кропкі былі з адной крыніцы, я не знайшла). Ён дае на 2006 год – 3,7 % мусульман у Даніі, на 2013 год – 2%. http://www.state.gov/j/drl/rls/irf/2006/71377.htm https://www.cia.gov/library/publications/the-world-factbook/geos/da.html Ну і апошняе, пра гэтае зласчаснае сьвята Курбан-Байрам і грошы на яго. Я спецыяльна паглядзела дацкую прэсу па тэме, і высветлілася, што гэта не рада мясцовасьці Кокэдаль вырашыла, а рада нейкага 4х павярховага дома Egedalsvænget ў гэтай мясцовасьці http://cphpost.dk/field-collection/field-image-and-desc-coll/26623. Больш за тое, 90% жыхароў гэтага дому былі супраць такога рашэньня рады http://cphpost.dk/news/national/how-one-local-decision-created-national-%E2%80%98war-christmas%E2%80%99. Таму гэта ня проста лякальны выпадак, гэта проста інцындэнт – раду ўжо пасьпяхова распусьцілі і паліцыя займаецца пытаньнем чаму тая рада прыняла такое рашэньне. Няма тут тэндэнцыяў, “пляўкоў у твар”, акупацыі ды іншых жарсьцяў. Хоць гэты інцындэнт і сапраўды выклікаў вялікі розгалас у дацкай прэсе. Я думаю, менавіта таму, што ў Даніі вельмі шмат актыўных свабодных медыяў плюс дацкае грамадзтва хутка рэагуе і актыўна ўдзельнічае ў жыцьці сваёй краіны, яны пазьбегнулі сур’ёзных праблемаў зь імігрантамі. Яны яшчэ ў дзьвухтысячных гадох зрабілі больш жорсткім іміграцыйнае заканадаўства, увялі шмат інтэграцыйных праграм для імігрантаў. У іх існуе спецыяльнае Міністэрства па спавах іміграцыі, бежанцаў і інтэграцыйнай палітыкі (усяго ў Даніі 17 Міністэрств, у Беларусі – 25). А дробныя выпадкі хуліганства здзяйсняюць і даны, і такое існуе ў любой краіне. Мае продкі Давайце раздзелім паняцьці: этнічная прыналежнасьць і самасьвядомасьць. Што тычыцца этнічнай прыналежнасьці – то тут трэба быць добрым навукоўцам, каб нешта абгрунтавана і з лічбамі даказваць. Калі вы лічыце, што па этнічнай прыналежнасьці ўсе жыхары Чарнігаўшчыны, усе жыхары Гарадзеншчыны і кожны трэці жыхар Расейскага Ўралу і Сібіры – беларусы, то калі ласка, я ня супраць, мне нават такі падыход у эмацыйным пляне падабаецца. Хоць з лагічнага пукту гледжаньня спрэчна. Таксама, па логіцы спрэчна, што калі ўкраінец пераяжджае з Палтавы на Чарнігаўшчыну, то яго нашчадкі па этнаграфічнай прыналежнасьці - беларусы, а калі беларус пераяжджае на Ўрал, то і яго нашчадкі па этнаграфічнай прыналежнасьці – беларусы. Але ў гэтым пытаньні магу дапусьціць, што я ня ведаю нейкіх навуковых фактаў. Што ж тычыцца самасьвядомасьці, то тут вам прыйдзецца паверыць маім словам, што 4 папярэднія пакаленьні маіх продкаў па бацькавай лініі лічылі сябе ўкраінцамі, а па мамінай – рускімі. Падставаў лічыць, што больш далёкія мае продкі лічылі па-іншаму ў мяне няма. У сёньняшнім сьвеце, на маю думку, менавіта самасьвядомасьць вызначае чалавека, а не этнічная прыналежнасьць.
Дадаць каментар (прэмадэрацыя)

Націсканьне кнопкі «Дадаць каментар» азначае згоду з рэкамендацыямі па абмеркаванні.

Спам-фільтр: падлічыце, колькі будзе...

не бачу сімвалы
Галоўнае
Дашлі сваю навіну
Усе навіны
Курсы валют
18.09 НБ РБ
USD 10520
EUR 13630
RUB 274
PDF-версія
18
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30
Гарачыя тэмы
© ПУП «Суродзічы». Усе правы абароненыя. Выкарыстанне матэрыялаў дазваляецца пры ўмове спасылкі (для інтэрнэт-рэсурсаў - гiперспасылкi) на «НН»
Кантакт з Рэдакцыяй: пошта: nn@nn.by; тэлефоны: +375 17 284-73-29 (тэл./факс), +375 29 613-32-32 (Velcom), +375 29 707-73-29 (МТС). Skype: nashaniva
Дызайн сайта ТО «Brama»
www.brama.by
brama.art@gmail.com
Сістэма Orphus RATING ALL.BY