Зісер: Пакуль «Лінія Сталіна» будзе мець цяперашнюю назву — нагі маёй там не будзе

Уласнік tut.by правёў анлайн-канферэнцыю на сайце радыё «Свабода».

Юрый Зісер правёў анлайн-канферэнцыю на сайце «Радыё Свабода». Прапануем некаторыя ягоныя адказы на пытанні чытачоў.

Як вы ставіцеся да Зянона Пазьняка і ці лічыце вы яго нацыянальным лідэрам Беларусі?

Мне здаецца, гэта яскравы прыклад чалавека, які шчыра дбае пра нацыянальныя інтарэсы. Таму час ад часу ён робіць больш дакладныя высновы, чым шмат хто з палітыкаў і аналітыкаў. Лічу такім ягоны камэнтар па сытуацыі са швэдзкім самалётам. Але нацыянальны лідэр Беларусі мусіць арыентавацца на інтарэсы большай часткі насельніцтва. На жаль, гэта З. Пазняк не ўлічваў у сваёй дзейнасці. Менавіта гэта прадэманстравалі выбары 1994-га.

Чаму Ваш партал цалкам расейскамоўны? Чаму Вы трымаеце свой партал у расейскім інфармацыйным полі (за нязначным выключэньнем)?

Я лічу, што прыналежнасьць партала да Беларусі вызначаецца ня толькі мовай, але перш за усё зьместам, які ў нас цалкам беларускі. Больш за тое: мы друкуем частку матэрыялаў на беларускай мове, і іх колькасьць, як вы самі можаце бачыць, расьце. Мы будзем гэта рабіць і далей. І гэта пры тым, што беларускамоўным інтэрфэйсам партала карыстаюцца ўсяго каля 1.4% наведвальнікаў.

Існуюць неабвержныя доказы поўнага кантролю паштовага сервера tut.by з боку КДБ. Уся паштовыя скрыні на tut.by скануюцца спецлужбами Беларусі на пэўныя словы. У пераліку слоў, якія прыцягваюць увагу скан-робатаў КДБ значацца: Лукашэнка, апазіцыя, плошча, Саннікаў, АГП, мітынг, страйк і іншыя. Ці лічыце Вы, што падпісаўшыся супрацоўнічаць з КДБ, Вы тым самым падтрымліваеце рэжым дыктатара Лукашэнкі і з’яўляецеся ягонай шаўкай?

Я чую гэту кансьпіралягічную вэрсію ужо 12 год. Была бы цікава азнаёміцца зь «неабвержнымі доказамі». Да нас ніколі не зьвяртаўся ніхто з «органаў» з патрабаваньнем даць доступ да паштовага сэрвэра, ня кажучы пра сканаваньне. С 2009 года паштовыя скрынкі TUT.BY разьмяшчаюцца на сэрвэрах кампаніі Google, таму ўсе пытаньні пра бясьпеку нашай пошты трэба адрасаваць кампаніі Google. Трэба мець на ўвазе тое, што на шляху ад адпраўніка да атрымальніка пошты інфармацыя (між іншым, як і любая інфармацыя ў Сеціве) ідзе праз шмат (звычайна дзясяткі) вузлоў перадачы дадзеных. Іх сканаваньне робатамі, якія апісаў сп. Мя, тэхнічна магчымае. Але мы ня маем да яго дачыненьня і нікому ніколі не давалі доступ да нашых паштовых сэрвэраў. Больш за тое, паўтаруся, ніхто і не прасіў, таму што для сканаваньня існуюць больш простыя тэхнічныя спосабы, якія не патрабуюць нашай згоды і нават ведама. Уласна кажучы, яны даступны звычайнаму сысадміну хатняй або карпаратыўнай сеткі.

Якая на Вашую думку магла бы быць альтэрнатыўная назва «Лініі Сталіна»?

«Музэй ваеннай тэхнікі і тэхналёгій». Пакуль музэй будзе мець цяперашнюю назву — нагі маёй там ня будзе.

Хутка 25 сакавіка, дзень абвяшчэння Беларускай Народнай Рэспублікі. Які Ваш асабісты стасунак да БНР? Ці будзе tut.by нейкім чынам святкаваць разам з Беларусамі гэтую дату?

Так, для нас гэта таксама асаблівы, урачысты дзень. Вядома, у нас будуць публікацыі, прысьвечаныя гэтай даце, а таксама будзем сачыць за тым, што будзе адбывацца ў гэтыя дні.

Сітуацыя наконт вашага журналіста Чудзянцова. Скажыце. калі ласка, чаму вы звольнілі яго? Ён добры журналіст і, з вашых словаў, нараканняў да яго як да журналіста не было. А тое, што ён выказваўся ў сац.сетках — гэта ў прываце, не працоўны час і г.д. Хоць я зусім не падзяляю погляды сп. Чудзянцова, зусім ён мне непрыемны, але лічу, што, тое, што зараз адбываецца — гэта цкаванне яго. І Вы далучыліся да гэтага. Ці так павінен паступаць працадаўца са сваімі падначаленымі? Ці гэта з’яўляецца для вас нормай? І ці так вы б аднесліся да кожнага свайго журналіста?

Уладзімер сапраўды добры журналіст, да таго ж менавіта ён выступіў у абарону добрага імя парталу. Але сродкі, якімі ён гэта рабіў, былі, на жаль, абсалютна непрымальнымі. Журналіст — публічная асоба, сацыяльныя сеткі — публічная прастора, і стыль палемікі ў сацыяльных сетках, тым больш палемікі, зьвязанай з прафэсійнай дзейнасьцю журналіста, адбіваецца на рэпутацыі мэдыя, у якім ён працуе. Крыць матам сваіх апанэнтаў, у тым ліку жанчын, рабіць пагрозьлівыя намёкі на лёс Генадзя Карпенкі, жадаючы яго сваім апанэнтам — гэта па-за межамі дапушчальнага. Тым ня менш Уладзімер меў магчымасьць заставацца на партале, калі б выканаў вельмі простую умову — спыніў гэтую лаянку. Ён гэтую умову парушыў. Паверце, калі б журналіст New York Times у ФБ размаўляў з апанэнтамі, шырока ужываючы вытворныя ад вядомага дзеяслова на літару f, ён бы ў NYT таксама б доўга не затрымаўся. Дарэчы, я не звальняў Чудзянцова, мы разьвіталіся ў поўнай адпаведнасьці з заканадаўствам, па згодзе бакоў.

Як зрабіць так, каб людзі, якія жывуць у Беларусі, пачалі размаўляць на роднай мове?

Партал працуе над гэтым пытаньнем, павялічваючы лік публікацый на беларускай мове і адзначаючы «Дзень беларускай мовы», я ўжо адказваў вышэй. Як зрабіць, каб усе перайшлі на беларускую — ня ведаю, але дакладна не прымусам. Верагодна, шляхам абавязковых экзамэнаў па беларускай і рускай мовах у школах (а не «на выбар», як гэта робіцца цяпер); больш актыўным ужываньнем мовы ў «прасунутых сфэрах» — рэкляме і PR; больш мяккай падатковай палітыцы ў адносінах да выданьняў на беларускай мове. Калі пытаньне тычыцца асабіста мяне, то я спрабую размаўляць па-беларуску, але мяне падводзяць засвоеныя з дзяцінства украінізмы.

Аргкамітэт па «Дню Волі»: Спадар Зісер, вы хочаце пазіцыенаваць сабе і сайт тут.бай, як незалежныя ад уладаў суб’ектаў. Ваш рэсурс можа канкураваць з прадзяржаўнымі ТВ каналамі. Да Вас насупная прапанова. Паколькі апазіцыя не мае выйсці на дзяржаўныя СМІ, ці гатовы былі б Вы, каб размесціць банер запрашэння на шэсце 24.03 на сваім сайце? Калі зараз не, то пасля афіцыйнага дазволу Мінгарвыканкама напрыклад. Дзякуй за адказ па сутнасці.

У нас на партале вывешаная публічная дамова «Правілы карыстаньня беларускім парталам tut.by», а таксама вісяць правілы разьмяшчэньня рэклямы, і там дакладна сказана, што палітычная рэкляма не зьмяшчаецца на партале. Мы ня будзем парушаць уласныя правілы.

Калі апошні раз Вам было сорамна?

Мне ўвесь час сорамна, што мала часу праводжу з сям’ёй, са сваімі роднымі. Хоць я фармальна і сышоў з пасады кіраўніка, але ўсе роўна неяк — праца, праца, праца. А за рашэньні, якія прымаю на працы, ну і ў грамадзкім жыцьці — не, ня сорамна. Пра некаторыя шкадую. Але і за іх саромецца ня бачу падставаў.

паводле Радыё Свабода

Наша Ніва / NN.BY – незалежная газета. Яна існуе на ахвяраванні і грошы з продажаў. Таму яна адлюстроўвае інтарэсы беларускага грамадства, а не дзяржавы. Наша Ніва была заснаваная ў 1906, адноўленая ў 1991.
Ахвяраваць грошы на НН праз WebMoney
Ваша імя (неабавязкова):
Сума (WMB):
belariy напiсаў(ла) 7 сакавiка 2013 у 18:53
адназначна пагаджуся зь ім толькі пра лінію Сталіна. астатнія адказы ў рознай ступені спрэчныя і дыскусійныя.
Juryst-Duryst напiсаў(ла) 7 сакавiка 2013 у 18:56
Pra Pazniaka: Kali u naselnictwa niama intaresau (ci jany prymityunyja), dyk lubyja idei buduc supiareczyc im - choc kamunizm, chos kapitalizm, choc czort, choc Boh.
sweden напiсаў(ла) 7 сакавiка 2013 у 19:03
А дзе будзе твая нага?
мглин напiсаў(ла) 7 сакавiка 2013 у 19:12
Это же бизнесмен что вы хотите от честного бизнеса. Деньги не пахнут. Родина не продается.
Kus напiсаў(ла) 7 сакавiка 2013 у 19:15
Зісер прагрэсуе :)) Памятаю напачатку былі адны расейскія навіны і калі наведнікі запатрабавалі мясцовыя навіны, то спадар Зісер нават не паверыў і зрабіў апытанку, паводле якой больш за 70% недзе адсоткаў прагаласавалі за навіны не з Масквы. Што да мовы, то пазіцыя тутбаю не самая дрэнная, адзіная мая заўвага - гэта незразумелае выстаўленне навін пра беларускую культуру і мову па-расейску з БДелапану, напрыклад, тады, калі яны ёсць па-беларуску. Наконт Сталіна цалкам згодны. нармальны чалавек не можа падтрымліваць нічога з імем гэтага ката. Што да Пазняка, то таксама даволі здаровая ацэнка ;) Але не мусіць нацыянальны лідэр бегчы за массай, масса мусі бегчы за ім :))))
r_i напiсаў(ла) 7 сакавiка 2013 у 19:25
ніфіга не разумею. Гэта кажа Юры ЗІсер? Я згодны з усім напісаным Юрыям Зісерам? "нешта ў свеце не так нешта з намі не тое"
hk напiсаў(ла) 7 сакавiка 2013 у 19:26
А во мне спадабалася! Добра, што уладальнік самага папулярнага парталу выказвае такія думкі, бо паколькі наведвальнасць парталу па-за канкурэнцыяй, тым больш з афіцыяльнымі смі, інтарэс да яго дзяржавы і ворганаў мусіць быць вельмі вялікім, а такія словы ім наўрад ці падабаюцца.. Нашмат лепш, чым якіясь даўнейшыя яго выказванні. А пра лінію сталіна - адназначна залік!
re напiсаў(ла) 7 сакавiка 2013 у 19:48
Шчырасьць нулівая, акрамя «лінія сталіна».
Кейстут напiсаў(ла) 7 сакавiка 2013 у 19:50
Можа хоць цяпер барцуны і ўпырхлікі перастануць цкаваць такога выбітнага чалавека. Дзякуй Свабодзе.
Раман Абрамчук напiсаў(ла) 7 сакавiка 2013 у 19:51
Працую экскурсаводам. Прынцыпова не ваджу экскурсіі на лінію Сталіна. І ведаю, што не я адзін такі.
Віталь С. напiсаў(ла) 7 сакавiка 2013 у 20:20
"І гэта пры тым, што беларускамоўным інтэрфэйсам партала карыстаюцца ўсяго каля 1.4% наведвальнікаў." Непрыемны сюрпрыз - няўжо так мала ахвотных ці проста прынцып "і так нармальна"? Беларускамоўныя, давайце ж праўяляць сябе неяк. Хаця спасылка на змену інтэрфейсу нязручна схаваная. Калі хто не знайшоў - сярод спасылак у самым нізе старонкі, спасылка "Па-беларуску".
Kus напiсаў(ла) 7 сакавiка 2013 у 20:54
З мовай інтэрфэйсу Зісер хітруе. Я, напрыклад, не карыстаюся беларускай, бо няма сэнсу мець беларускія надпісы сярод амаль цалкам расейскамоўнага матэрыялу. Да таго ж злятая гэтая мова ўвесь час. Таму гэтая статыстыка ні пра што насамрэч.
вось напiсаў(ла) 7 сакавiка 2013 у 21:15
Ён што - да выбараў рыхтуецца?
qqqqus напiсаў(ла) 7 сакавiка 2013 у 21:25
падтрымаю Kus даўно не лазіў на тут. дзеля эксперыменты пачысціў кукі заходжу на тут і мне"Белорусскій портал" дзе пераключэнне на беларускую мову? раней была "кнопачка" (прынамся за 3 хвіліны я яе не знайшоў) мала таго, у мяне браузер наладжаны на пераважныя мовы сеціўных старонак у наступным парадку: англійская беларуская кірыліца беларукая лацінка лагічна было б аутаматычна грузіць мне ангельскі ці беларскі інтэрфейс - але яго няма... "паглядзіце як працуе зісер..." :)
qqqus напiсаў(ла) 7 сакавiка 2013 у 21:27
о!! знайшоў "Па-беларуску" маленькія літаркі ў самым нізе галоўнае старонкі! :)
Бэрыморрр напiсаў(ла) 7 сакавiка 2013 у 23:04
Круцiцца як вуж на патэльнi, абы грошы ды усiм быць "харошым" а НН пiярыць пустамелю, ну досыць ужо !
Satan напiсаў(ла) 8 сакавiка 2013 у 4:19
2Віталь С. Некоторые вопросы, конечно мдэээ.... показывают зашкаливающий уровень зомбированности хартеей. Особенно про "неабвержныя доказы поўнага кантролю" мухахахахаха. Почтовые сервера у Гугла, а не у Тута, Зиссер прав, переадресуйте вопрос Брину))) Да, и не хочешь - не пользуйся. Я последний раз их почтой пользовался в 2004 г. А вообще он умно отвечает, между прочим. И про мову тоже. Не менее 50% комментаторов здесь её в жизни не употребляют. Да, и многие журналисты видимо тоже, ибо слишком характерные ошибки и русизмы встречаются. Начните не в инете понтоваться, а реально говорить в жизни. И процесс пойдет. Язык должен жить. Но мне-то пофиг по существу на эту проблему, у меня другие есть.
hanna напiсаў(ла) 8 сакавiка 2013 у 11:24
чортасдва на гэтым тутбаі знойдзеш кнопачку з белмовай! дзіва што толькі 1,4% карыстаюцца беларускамоўным інтэрфейсам
Vadzim напiсаў(ла) 8 сакавiка 2013 у 12:18
Катэгарычна не згодзен з ім наконт мовы на партале. Беларускі партал павінен быць на беларускай мове! Кропка! Інакш гэта не беларускі партал, гэта расійскій партал пра Беларусь. А наконт 1,4% дык лухта нейкая: навошта мне ўключаць беларускую мову на партале, калі навіны ўсё роўна будуць па-руску? Я ўпэўнены, што 70% наведвальнікаў увогуле не ведаюць пра тое, што беларуская версія партала існуе.
СНВ напiсаў(ла) 8 сакавiка 2013 у 12:54
Vadzim напiсаў(ла) 8 сакавiка 2013 у 12:18 Катэгарычна не згодзен з ім наконт мовы на партале. Беларускі партал павінен быць на беларускай мове! Кропка! Інакш гэта не беларускі партал, гэта расійскій партал пра Беларусь. ................ хм... А на каком языке в таком случае должен быть ирландский портал?)) Белорусский портал должен быть на языке, на котором разоваривают подавляющее большинство жителей Беларуси. А наконт 1,4% дык лухта нейкая: навошта мне ўключаць беларускую мову на партале, калі навіны ўсё роўна будуць па-руску? Я ўпэўнены, што 70% наведвальнікаў увогуле не ведаюць пра тое, што беларуская версія партала існуе. ............................... да все гораздо проще. Зачем включать белорусский язык, если на русском все более понятно, на белорусском же могут попасться незнакомые слова. Я уверен будь переключение на белорусский язык на самом видном месте, число пользующихся бел. интерфейсом будет ненамного больше 1,4%
В игнор напiсаў(ла) 8 сакавiка 2013 у 14:59
Наступит время, когда Зисер вся его хевра заявят себя диссидентами и жестоко пострадавшими от режима. Но сейчас важнейшим для них занятием является косьба бабла на "нейтральной полосе". В игнор их!
77 напiсаў(ла) 8 сакавiка 2013 у 16:05
Кожны, хто мае хоць некія патрыятычныя пачуцці да бацькаўшчыны, павінен разумець, што панаванне расейскай мовы на Беларусі гэта вынік акупацыі, і што беларус, носьбіт і прапагандыят расейскай мовы не хто іншы, як ахвяра гэтай акупацыі. Усе астатнія тлумачэнні, гэта толькі спроба запэўніць сябе і навакольны ясяродак у адваротным. Магчыма, наогул неразуменне тых з'яў у грамадстве, якія зразумелыя самым аддаленым ад цывілізацыі плямен людзей.
Віталь С. напiсаў(ла) 8 сакавiка 2013 у 20:52
тут пісалі ... " абы грошы ды усiм быць "харошым" " Калі Зісер хоча быць харошым перад беларускамоўнымі дзеля грошай, то мабыць насамрэч іх нашмат больш за 1,4-1,8 %, і ён улічвае іх як даволі важную долю аўдыторыі, істотную для яго бізнесу. Прынамсі, як я пагляджу на форумах, дык складаецца ўражанне, што больш за 1,8%. Спадарства, нам трэба паказваць, што беларускамоўных дастаткова, калі мы хочам, каб з намі лічыліся. Беларускі інтэрфейс ёсць на Яндекс, у пошце Рамблера, на Mail.ru, на Hotmail/Outlook, на Facebook і Укантакце. Калі карыстаецеся гэтымі сайтамі, ўключайце беларускі інтэрфейс. Інакш ніякага сэнсу ў нашых абурэннях не будзе, пакуль мы элементарна не навучымся паказваць, колькі нас і што там сапраўды беларуская мова патрэбная (не толькі каб пра яе мітынгаваць, але і каб ёю карыстацца). Да таго ж, гэта хоць неяк павялічыць беларускамоўнасць вашага навакольнага асяроддзя.
Уладзімір Сіўчыкаў напiсаў(ла) 8 сакавiка 2013 у 21:10
Зьвесткі пра жорсткія баі на т.зв. лініі С. -- хлусьня неверагодная. Землякі старэйшага пакаленьня сьведчаць, што гітлераўцы былі ў Жодзіне на восьмы (!) дзень вайны!
тутэйшы напiсаў(ла) 9 сакавiка 2013 у 2:00
"будь переключение на белорусский язык на самом видном месте, число пользующихся бел. интерфейсом будет ненамного больше 1,4%" +++++++++++++ А зь якое халеры беларус на "беларускім парталу" мусіць шукаць "пераключэньне" на беларускую мову? Адпачатна па адрэсе tut.by мусіць адчыняцца менавіта _беларускамоўная_ вэрсія інтэрфэйсу, а вось каму трэба менавіта расейскамоўны - калі ласка, "сярод спасылак у самым нізе старонкі, спасылка "По-русски"."
Каму,нафіг, патрэбная тая расейская мова, зысяру? напiсаў(ла) 9 сакавiка 2013 у 19:19
Палічыце, які адсотак карыстаецца расейскай мовай на сайце н.н. Не пераконвае? Тады палічыце які адсотак складаюць размаўляючыя па расейску ад усяго насельніцтва Зямлі.
Дадаць каментар (прэмадэрацыя)

Націсканьне кнопкі «Дадаць каментар» азначае згоду з рэкамендацыямі па абмеркаванні.

Спам-фільтр: падлічыце, колькі будзе...

не бачу сімвалы
Галоўнае
Начныя паказы «Лістапада-2014»  + расклад, кошт білетаў і трэйлеры
Дашлі сваю навіну
© ПУП «Суродзічы». Усе правы абароненыя. Выкарыстанне матэрыялаў дазваляецца пры ўмове спасылкі (для інтэрнэт-рэсурсаў - гiперспасылкi) на «НН»
Кантакт з Рэдакцыяй: пошта: nn@nn.by; тэлефоны: +375 17 284-73-29 (тэл./факс), +375 29 613-32-32 (Velcom), +375 29 707-73-29 (МТС). Skype: nashaniva
Дызайн сайта ТО «Brama»
www.brama.by
brama.art@gmail.com
Сістэма Orphus RATING ALL.BY