На чэмпіянаце свету па фрыстайле ў нарвежскім Міркдален-Восе завяршыліся спаборніцтвы мужчын у лыжнай акрабатыцы.

Адзіны прадстаўнік Беларусі сярод тузіна фіналістаў двухразовы прызёр Алімпійскіх гульняў Дзмітрый Дашчынскі не змог скласці канкурэнцыю лідарам, заняўшы ў выніку толькі 12-е месца з вынікам 80,09 бала.

Чэмпіёнам планеты стаў кітайскі спартсмен Ці Гуанпу (138,00), сярэбраны медаль у канадца Трэвіса Джэрытса (117,73),

а бронза ў яшчэ аднаго кітайца Цзя Цзуньяна (99,09).

Напярэдадні тры беларусы не змаглі пераадолець кваліфікацыйны бар’ер чэмпіянату свету

— алімпійскі чэмпіён Ванкувера-2010 Аляксей Грышын заняў 13-е месца, Максім Гусцік быў 15-м, а Дзяніс Осіпаў апынуўся на 16-й пазіцыі.

БелТА