Музей гісторыі Магілёва збіраецца выкупіць новыя кніжныя рарытэты.
На аўкцыёнах старадрукаў адшукаўся чарговы лот, які ўяўляе культурную каштоўнасць для Беларусі — частка кнігі Францыска Скарыны. Пра гэта паведаміў Андрэй Радкоў, які браў удзел у выкупе Статута ВКЛ.
«Знойдзены лот — гэта асобны аркуш з «Кнігі Царстваў», з дакладнасцю 99% надрукаваны ў 1518 годзе. Фактычна, гэта асобная старонка, якая не была падшытая ў фаліянт.Прадаваны ліст, бясспрэчна, уяўляе культурную каштоўнасць для Беларусі, бо ў краіне ёсць толькі адзін асобнік Скарынавай „Бібліі“ — канвалют з 10 ягоных кніжак», — кажа Радкоў.
Па словах Радкова, перамовамі з прадаўцом займаецца дырэктар Музея гісторыі Магілёва Аляксей Бацюкоў. «Цяпер лот знаходзіцца
Некалькі гадоў таму уладальнік набыў аркушы Скарынавай „Бібліі“ на аўкцыёне за дзевяць тысячаў даляраў. Прадаць ён пагадзіўся па той самай цане».
Гісторыкі прыглядаюцца і да яшчэ аднога гістарычнага выдання.
«Мы знайшлі ў продажы і «Апостал» магілёўскага друкара Спірыдона Собаля,які ў першай чвэрці XVII стагоддзя заснаваў друкарню пры Богаяўленскім манастыры.
Кніга знаходзіцца не ў Беларусі, яна ацэненая ў 10 тысячаў даляраў ЗША.Мы разлічваем на дзяржаўную дапамогу, але патрэбную суму наўрад ці атрымаем.
Было б выдатна, калі б Магілёў, які сёлета з’яўляецца культурнай сталіцай краіны, атрымаў гэтую кнігу», —паведамляе Андрэй Радкоў.
* * *
Кожны можа дапамагчы збору сродкаў, пералічыўшы грошы на рахунак музея:
УК «Музей гісторыі Магілёва» 212030 Магілёў, вул. Ленінская, 1А
рахунак:
УНП 790203960
Філія 700 МАУ ААТ «АСБ Беларусбанк» МФО 153801536
Увага: бухгалтэрыя музея просіць дакладна і цалкам пазначаць мэту плацяжа.
Каментары