Сёння ноччу ва ўсёй Паўночнай і Цэнтральнай Еўропе можна было назіраць рэдкую нябесную з'яву: палярнае ззянне. Начная гульня святла ў небе была выклікана магутнай успышкай на Сонцы, зафіксаванай уранку 15 сакавіка.
Ззянне ўзнікае з прычыны бамбавання верхніх слаёў атмасферы зараджанымі часціцамі, якія рухаюцца да Зямлі ўздоўж сілавых ліній геамагнітнага поля з вобласці калязямной касмічнай прасторы, званай плазменным пластом. Праекцыя плазменнага пласта ўздоўж геамагнітных сілавых ліній на зямную атмасферу мае форму колцаў, якія аббягаюць паўночны і паўднёвы магнітныя полюсы (аўраральныя авалы).
Як правіла, палярнае ззянне назіраецца ў высокіх шыротах абодвух паўшар'яў ў авальных зонах-паясах вакол магнітных полюсаў Зямлі, але зрэдку гэтую прыродную з'яву можна назіраць і ў Беларусі.
Дасылайце свае фоты гэтай з'явы на [email protected].
