Брэсцкае «Дынама» пацярпела другую паразу, «Шахцёр» — у лідарах

У панядзелак прайшлі яшчэ тры матчы 2-га тура чэмпіянату Беларусі па футболе ў вышэйшай лізе.

Брэсцкае «Дынама» прайграла на сваім полі «Шахцёру» — 0:1. «Гомель» згуляў нічыю з «Нафтанам» 1:1, «Тарпеда-БелАЗ» выйграла ў «Дняпра» 1:0.

Тры матчы прайшлі ў нядзелю: «Славія» — БАТЭ — 0:1, «Дынама-Мінск» — «Мінск» — 3:0, «Белшына» — «Нёман» — 2:2.

Пасля 2-х тураў: Шахцёр — 6, БАТЭ, Дынама-Мінск, Тарпеда-БелАЗ, Белшына, Нёман — 4, Дняпро — 3, Гомель, Нафтан, Мінск — 1, Славія, Дынама Брэст — 0.

Матчы 3-га тура пройдуць 13 красавіка.