Сустрэчы беларускіх дыпламатаў з еўрапейскімі становяцца амаль штодзённымі 6
Сёння намесніца міністра замежных справаў Алена Купчына мела аж тры такія спатканні.
Прэс-служба МЗС паведамляе, што адбыліся сустрэчы беларускага віцэ-міністра з пасламі Нямеччыны, Літвы і часовымі паверанымі Чэхіі і Славаччыны. «Падчас сустрэчы бакі абмеркавалі шэраг пытанняў, якія датычацца стану і перспектыў развіцця двухбаковых і беларуска-еўрапейскіх адносін», — гэтак гучыць стандартная фармулёўка прэс-службы. З літоўскім амбасадарам абмяркоўвалася таксама сустрэча прэм’ераў дзвюх краін Міхаіла Мясніковіча і Альгірдаса Буткявічуса, што мае адбыцца ў Клайпедзе ў межах IX Міжнароднага Беларуска-Літоўскага эканамічнага форума, які пройдзе 17–19 красавіка.
