Хакеры ўзламалі адзін з акаўнтаў у Twitter інфармацыйнага агенцтва Асашыэйтэд прэс, размясціўшы там паведамленне пра выбухі ў Белым доме.
«Тэрміновая навіна: два выбухі ў Белым доме, і Барак Абама паранены», - казалася ў гэтым паведамленні.
Адказнасць за ўзлом ўзяла на сябе групоўка «Сірыйская электронная армія» (Syrian Electronic Army), апублікаваўшы паведамленне пра гэта на сваёй старонцы ў Twitter. Раней гэтая групоўка узломвала Twitter-акаўнты Бі-бі-сі.
Цяпер Twitter-старонка Асашыэйтэд прэс недаступная, і агенцтва спрабуе вырашыць праблему. Як заявіла кіраўніцтва кампаніі, узлому папярэднічала мноства спроб выкрасці паролі ў журналістаў.
Гэты інцыдэнт стаў апошнім у серыі выпадкаў узлому Twitter-акаўнтаў буйных медыякарпарацый.
0
0
0
0
0
0