Усяго патроху4040

Аблічча Божай Маці ў адселенай вёсцы: меркаванні мясцовай жыхаркі і вучоных

Гады два таму ў невялікай вёсцы Губарэвічы Хойніцкага раёна, адселенай пасля чарнобыльскай катастрофы, здарылася невытлумачальнае --
на зрэзе сука магутнага старога вяза праявіўся малюнак, вельмі падобны на абраз Багародзіцы з немаўляткам. Слава пра "цуд" з дапамогай інтэрнэту хутка разнеслася, у Губарэвічы пацягнуліся паломнікі. Вяз абгарадзілі плотам, упрыгожылі кветкамі, ручнікамі і стужкамі, сюды прыходзяць памаліцца і папрасіць Божую Маці пра запаветным і набалелае.

"Гэта дабраславенне, нейкі сігнал, дар -- і не паверыць гэтаму нельга, --
падзялілася з карэспандэнтам БелаПАН мясцовая жыхарка Галіна Хаціла. - Я веру і хачу, каб і людзі верылі. І каб Маці Божая была ў нас даўжэй, каб не знікла . Калі за ёй будзе догляд, яна адчуе ласку і аддасць яе людзям. Як даглядаць? Абгарадзіць, кветачкі пасадзіць, прыходзіць сюды і маліцца, прасіць яе, каб дапамагла, захавала нашых людзей, якія пацярпелі ад Чарнобыля".

Відэакадры з просьбай пракаментаваць мы паказалі аўтарытэтнаму спецыялісту -- загадчыку лабараторыі інтрадукцыі драўняных раслін Цэнтральнага батанічнага саду НАН Беларусі, кандыдату біялагічных навук Ігару Гарановічу.

"Тое, што мы бачым, -- гэта працэс зарастання раны на дрэве, --
тлумачыць ён. -- Быў спілаваны сук, даволі вялікі па дыяметры, -- і вось з усіх бакоў утвараецца наплыў камбіяльнай тканіны. Такім чынам дрэва імкнецца абараніцца, каб з часам рана магла зарасці. Гэта натуральны працэс, уласцівы ўсім пародам дрэў, не ведаю, што тут такога цудоўнага.

Малюнак сам па сабе выяўны, гэта гадавыя кольцы. Мне, напрыклад, вельмі падабаецца, як зарастае бук. Вы ведаеце, што, выкарыстоўваючы спілы дрэва, робяць розныя вырабы -- малюнак гадавых кольцаў сам па сабе вельмі прыгожы".

Вучоны параіў замазаць спілы антысептыкам, фарбай, каб дапамагчы дрэву хутчэй справіцца з траўмай.

"На кожным спіле застаюцца сляды гадавых кольцаў, -- дапаўняе калегу старшы навуковы супрацоўнік лабараторыі Міхаіл Аўдзевіч. -- У дадзеным выпадку гэта спіл сука, зроблены ў такім ўдалым месцы -- выявіўся малюнак, які можна ўспрымаць у нейкім набліжэнні як аблічча іконы Божай Маці.
Думаю, калі б гэты спіл быў трохі пад іншым кутом ці на іншай адлегласці ад ствала, то гэты малюнак не выявіўся б. Так што ў наяўнасці проста збег абставінаў".

Каментары40

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Муж Сямашкі быў не адзіным, хто атрымаў пашпарт прыкрыцця 13 лютага 2018 года41

Муж Сямашкі быў не адзіным, хто атрымаў пашпарт прыкрыцця 13 лютага 2018 года

Усе навіны →
Усе навіны

Кадэбэшнік адпраўляў прастытутак у Фінляндыю, а цяпер арыстакрат. Як сям'я расійскіх шпіёнаў ператварылася ў еўрапейскіх магнатаў7

Еўрасаюз запусціў праграму падтрымкі адукацыі беларусаў, якія пацярпелі ад палітычных рэпрэсій6

На станцыі метро «Маскоўская» спыніўся цягнік

Telegram заблакаваў расійскі інсайдарскі канал з мільёнам падпісчыкаў па патрабаванні расійскіх уладаў13

Як выгадна купіць машыну на аўкцыёне ў Еўропе без пасярэднікаў — расказваем16

Маладыя бацькі ў 100 гадоў. У пары галапагоскіх чарапах упершыню нарадзіліся дзеці

Трамп пракаментаваў падзенне фондавага рынку з-за ўвядзення пошлін4

Еўрапейскі ўніверсітэт залічыў першага студэнта — штучны інтэлект

Мора на майскія: дзе адпачыць і колькі будзе каштаваць2

больш чытаных навін
больш лайканых навін

Муж Сямашкі быў не адзіным, хто атрымаў пашпарт прыкрыцця 13 лютага 2018 года41

Муж Сямашкі быў не адзіным, хто атрымаў пашпарт прыкрыцця 13 лютага 2018 года

Галоўнае
Усе навіны →

Заўвага:

 

 

 

 

Закрыць Паведаміць