Італьянскі палітык Энрыка Лета ў суботу, 27 красавіка, сфармаваў склад новага кааліцыйнага ўрада краіны.
Згодна з прапановай Лета, ва ўрад ўвойдзе адзін з найбліжэйшых паплечнікаў былога прэм'ера Сільвіа Берлусконі Анжаліна Альфана, яму дастануцца пасады віцэ-прэм'ера і міністра ўнутраных спраў. Уплывовую пасаду міністра эканомікі зойме кіраўнік Банка Італіі Фабрыцыа Сакамані.
Чакаецца, што кабінет міністраў прынясе прысягу ў нядзелю.
Энрыка Лета з'яўляецца намеснікам кіраўніка левацэнтрысцкай Дэмакратычнай партыі. Яго называлі кампраміснай фігурай на пасадзе прэм'ер-міністра, здольнай сфармаваць кааліцыйны ўрад з-за адсутнасці сур'ёзных рознагалоссяў і з левымі палітыкамі, і з правымі.
0
0
0
0
0
0
