Сухайр Бэлхасэн |
У інтэрв’ю БелаПАН праваабаронца Валянцін Стэфановіч паведаміў, што візіт, хутчэй за ўсё, будзе насіць прыватны характар і мець на мэце абмеркаванне праблемы дзейнасці ў Беларусі няўрадавых арганізацый.
«Прыезд Белхасен у Беларусь менавіта ў кастрычніку вельмі важны, — сказаў В.Стэфановіч. — 14 кастрычніка ў Мінску павінна прайсці акцыя «Еўрапейскі марш», якая ўключае правядзенне шэсця і мітынгу. У нас ёсць вялікія падазрэнні, што падчас яе падрыхтоўкі і правядзення ўлады будуць праводзіць неабгрунтаваныя затрыманні дэмакратычных актывістаў. Міжнародны праваабаронца асабіста азнаёмілася б з рэальным становішчам з правамі чалавека ў Беларусі».
В.Стэфановіч таксама паведаміў, што 21 жніўня падчас асабістага прыёму беларускіх праваабаронцаў першы намеснік міністра юстыцыі Аляксандр Петраш быў праінфармаваны аб жаданні С.Белхасен сустрэцца з прадстаўнікамі міністэрства.