Якая сітуацыя з падачай вады ў Вашым інтэрнаце?
БНТУ хоча стаць пераможцам Года беражлівасці
У Рэдакцыю звярнуўся студэнт Беларускага нацыянальнага тэхнічнага ўніверсітэта (БНТУ). Ён абураны, што днём у інтэрнаце вымушаны заставацца без гарачай вады. Створаны графік, паводле якога, немагчыма памыцца ў дзённы час.
«Можа, хутка элекрычнасць будуць адключаць аб 11-й, а ў душ будзем хадзіць па талонах?» — іранізуе ён.
У студэнцкім гарадку БНТУ паведамілі, што гэта не новая практыка. Цяпер толькі змены ў часе адбыліся — на паўгадзіны ссунулі.
«Графік зацверджаны кіраўніцтвам. Чаму днём абсталяванне павінна працаваць, калі нікога няма? Так не толькі ў нас».
Відавочна, што ўся справа ў жаданні эканоміць. Але ж студэнты аплочваюць пражыванне ў інтэрнатах.
Мы пацікавіліся ў студэнтаў Мінска, якая сітуацыя ў іншых інтэрнатах.
«Цяпер увогуле гарачай вады не будзе ад сёння і да 14 чэрвеня, — кажа Віка з БДУ. — Ці адключаюць ваду днём? Не заўважала, я ў другую змену вучуся. Прыгадваюцца толькі выпадкі, калі электрычнасць адключалі».
Каця з Аграрнага тэхнічнага ўніверсітэта сказала, што ў іх ваду не адключаюць. Такая ж сітуацыя і ў Тэхналагічным і Эканамічным універсітэтах. Выходзіць, гэта БНТУ хоча стаць пераможцам Года беражлівасці.
-
20-гадовай украінцы пагражае смяротнае пакаранне на Балі. Шукаюць яе і на радзіме
-
«Не проста запальваем, а адраджаем традыцыю». Ліхтаршчык з Брэста расказаў пра магію святла, гузік на ўдачу і старадаўнюю музыку
-
У вёсцы пад Брэстам мясцовыя жыхары рэгулярна канфліктуюць з адпачывальнікамі. Дайшло да абстрэлу электрамабіля
Цяпер чытаюць
Паветраная гімнастка паказала закуліссе працы ў Белдзяржцырку8
Каментары