Шакуючае відэа: так абыходзяцца з жывёламі ў аграгарадку ў Брэсцкім раёне
Гэтае відэа нам даслалі з аграгарадка Знаменка.
Відэа каментароў не патрабуе.
Па словах людзей, якія даслалі нам гэтае відэа, так перавозілі каровы з фермы на ферму на сельгаспрадпрыемстве «Мяднянская птушкафабрыка».Жывёлу падымаюць каўшом пагрузчыка і з вышыні скідаюць у кузаў грузавіка. Нельга так грузіць жывёлу нават на бойню, не тое што з фермы на ферму! «І нікому няма справы, пакалечылася жывёліна ці забілася», — кажуць сведкі.
Цяжка сабе ўявіць, каб такое абыходжанне з рагуляй маглі дапусціць нашы бабы ці дзеды.
Такое жорсткае абыходжанне з жывёламі, між іншым, цягне на адміністрацыйную адказнасць (штраф 10-30 базавых альбо адміністрацыйны арышт).
Мы здабылі гэтае відэа, калі сталі разбірацца ў сітуацыі ў гаспадарцы «Мяднянская птушкафабрыка» ўвогуле.У мінулым годзе птушкафабрыку аб’ядналі з гаспадаркай «Агравіта». Прызначылі новага дырэктара.
Даяркі звярнуліся ў «Нашу Ніву», калі зразумелі, што ў гэтым месяцы атрымаюць хіба 1,5 мільёна рублёў.Калі і тых ізноў не затрымаюць. «Па дамове заробкі павінны выплачваць 19 чысла, а мы атрымліваем толькі 30-31-га».
Дырэктар Мяднянскай птушкафабрыкі Уладзімір Дземенціюк адмаўляе абвінавачванні.Кажа, што заробкі даяркам не зразалі. «Ёсць шэраг людзей, хто выпіваў, і мы іх вызвалілі, — так Дземенціюк тлумачыць нагаворы на гаспадарку. — Ёсць зрывы — ідэальнага нічога не бывае».
Чыя ж праўда?
Цікавая сітуацыя ў вёсцы Знаменка (колішняя назва — Дурычы) Брэсцкага раёна, цікавая. Цікавая сітуацыя ў нашым агракомплексе ўвогуле.
Артыкул пра ўсё гэта чытайце ў наступным нумары папяровай «Нашай Нівы».
Паведамляйце ў «Нашу Ніву» як пра здабыткі, радасці, добрых людзей, так і пра факты безгаспадарчасці, дзікасці, круцяльства. Пішыце на nn@nn.by або дасылайце інфу праз форму на сайце.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў32
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары