Нелегальных кватэраздатчыкаў падатковым органам часцей за ўсё дапамагаюць выяўляць самі наймальнікі кватэр, а таксама суседзі. Пра гэта паведаміла намеснік начальніка галоўнага ўпраўлення падаткаабкладання фізічных асоб Міністэрства па падатках і зборах Святлана Шаўчэнка 12 чэрвеня на
Паводле яе слоў, як правіла, гэта могуць быць наймальнікі, незадаволеныя празмерным павышэннем гаспадаром кватэры памеру арэнднай платы. Ёсць таксама сітуацыі, калі ўладальнік кватэры прымушае замест сябе аплачваць камунальныя плацяжы, а таксама падаткі з даходаў ад здадзенай кватэры.
«Што да камунальных плацяжоў, то тут размова ідзе пра дагаворныя адносіны, тут паміж сабой дамаўляюцца кватэраздатчык і наймальнік. А вось што тычыцца падатку, то яго павінны плаціць сам кватэраздатчык, і ўскладаць на кагосьці іншага гэтыя абавязкі ён проста не мае права», — падкрэсліла Шаўчэнка.
Нярэдкія выпадкі, калі ў падатковыя органы тэлефануюць і інфармуюць суседзі кватэраздатчыка і «проста асобы, якія неабыякавыя да сітуацыі, калі падаткі не паступаюць у бюджэт».
Прадстаўнік МПЗ звярнула ўвагу на тое, што падатак, які кватэраздатчыкі павінны выплаціць у бюджэт, насамрэч невялікі. Напрыклад, у Мінску самая вялікая стаўка падатку ад здачы кватэры ў самым дарагім раёне за кожны здадзены пакой складае ўсяго 135 тыс. рублёў на месяц. У рэгіёнах гэтая сума пачынаецца і зусім ад 40 тыс. рублёў.
Паводле звестак МПЗ, у 2012 годзе парушэнні падатковага заканадаўства выяўлены ў 1.905 кватэраздатчыкаў. Дадаткова паступіла ў бюджэт паводле вынікаў праведзеных падатковымі органамі праверак 535,7 млн. рублёў.Згодна з вынікамі праверак сёлета парушэнні заканадаўства ўстаноўлены ў 1.089 кватэраздатчыкаў, да выплаты ў бюджэт выстаўлена 386,6 млн. рублёў.