Вярхоўны суд Расіі ў чацвер яшчэ раз прызнаў законным рашэнне ўрада аб увядзенні ў краіне круглагадовага летняга часу.
Суд адхіліў апеляцыйную скаргу прэзідэнта "Лігі абароны пацыентаў" Аляксандра Саверскага, які заяўляў, што адмова ад пераходу на зімовы час парушае правы грамадзян і негатыўна ўплывае на здароўе, паведамляе Бі-Бі-Сі.
Штогадовы пераход з зімовага на летні час і наадварот быў адменены ў 2011 годзе ўказам прэзідэнта Дзмітрыя Мядзведзева.
Нагадаем, што следам за Расіяй адмяніла пераход на летні/зімовы час і Беларусь, а Еўропа працягвае пераводзіць стрэлкі.
Таму розніца ў часе паміж Мінскам і Варшавай з канца кастрычніка па канец сакавіка ў нас складае дзве гадзіны, з канца сакавіка па канец кастрычніка — адну гадзіну.
0
0
0
0
0
0
