23 чэрвеня споўнілася 75 гадоў грамадскаму і культурнаму дзеячу, навукоўцу Юрыю Хадыку.
Юрый Віктаравіч Хадыка нарадзіўся ў 1938 г. у Мінску. Скончыў скончыў фізфак БДУ (1960). Працаваў у Інстытуце фізікі, у 1969 г. арганізаваў у АН БССР семінар па вывучэнні старажытнабеларускага мастацтва, прымаў удзел у зборы матэрыялаў (экспедыцыі) і напісанні «Зводу помнікаў гісторыі і культуры Беларусі». У 1975 узначаліў секцыю
У 1979 адкрыў пры АН БССР Музей старажытнабеларускай культуры. З 1988 намесніка старшыні БНФ (быў да снежня 2007).
У 1996 г., пасля сканчэння масавага Чарнобыльскага шляху, сп. Хадыка 26 красавіка быў арыштаваны і кінуты ў турму, яго абвінавацілі ў арганізацыі масавых беспарадкаў. У знак пратэсту абвясціў галадоўку. 21 мая быў вызвалены.
Юрый Хадыка — аўтар каля 150 навуковых прац па фізіцы.
Журналіст Сяргей Абламейка напісаў у сваім фэйсбуку з нагоды юбілею:
«Гэты фізык — адзін з найлепшых у Беларусі знаўцаў царкоўнага жывапісу: абразоў і роспісаў.Хадыка — аўтар канцэпцыі, паводле якой у другой палове 18 ст. беларускі царкоўны жывапіс (уніяцкі) сінтэтычна злучыў праваслаўныя і каталіцкія традыцыі і дасягнуў стадыі ўласнай канонатворчасці. І гэта датычыцца ня толькі жывапісу, але і ўсяго мастацтва Уніі — архітэктуры, скульптуры і г.д.».
Зараз Юрый Віктаравіч знаходзіцца ў Амерыцы, у сына.
«Наша Ніва» віншуе Юрыя Віктаравіча Хадыку з юбілеем і заклікае далучацца да віншаванняў у каментарыях.