Ілью Багданава папярэдзілі, што 27 чэрвеня для яго будзе апошнім працоўным днём.
«Літаральна гадзіну таму пра гэта мне паведаміў начальнік юрыдычнага аддзела. Прычыну не называюць. Загад будзе толькі заўтра: з яго і даведаюся пра падставу. Хаця дамова ў мяне да наступнага года».
Ілья працуе юрысконсультам юрыдычнага аддзела КУП «ЖКГ Полацка». Ніякай заявы на звальненне па ўзгадненні бакоў ён не пісаў, таму не разумее, як так хутка яго могуць звольніць.
Але адзначае, што ўжо была спроба пакінуць яго без працы. «Гэта было зімой, праз які месяц пасля арышту Гайдукова. Мяне папярэдзілі, што звольняць, бо з дэкрэта мусіла выйсці юрыст, на чыё месца мяне ўзялі. Але ў яе дзіцяці было толькі 1,5 года. У выніку яна не выйшла, а маё звальненне не адбылося».
Ілья Багданаў праходзіць сведкам па справе Андрэя Гайдукова, якога абвінавацілі ў здрадзе дзяржаве ў форме правядзення агентурнай дзейнасці. Раней хлопец быў у іншым статусе — падазраваным. На мінулым тыдні яго дапыталі на працэсе над сябрам.
«Для мяне гэтая сувязь відавочная», — кажа Багданаў пра сваё звальненне і справу Гайдукова.
У лістападзе застаўся без працы Яўген Канстанцінаў. З Андрэем Гайдуковым яны спрабавалі зарэгістраваць Саюз маладых інтэлектуалаў.
-
Пазняк пра вызваленне палітвязняў: Яны крычалі: «душыць санкцыямі». Тое, што мы бачым — падрыхтавалі іншыя
-
«Казырамі не раскідваюцца. Бацька перайграў і знішчыў». Як прапаганда патлумачыла вызваленне Ціханоўскага
-
Франак Вячорка пра Ціханоўскага і іншых вызваленых: Спісы мяняліся ў самы апошні момант
Каментары