33,1 тоны таварнага мёду нарыхтавана ў гаспадарках галіны ў гэтым сезоне. Гэта 33% ад запланаванага на 2013 год, паведамілі ў прэс-службе Міністэрстве лясной гаспадаркі.
У цэлым за апошнія пяць гадоў рост аб'ёму таварнага мёду па галіне склаў 122,7%.
Як адзначылі ў прэс-службе, сёння ў лясгасах галіны праводзіцца вялікая праца па развіцці пчалярства. Так, у межах адпаведнай галіновай праграмы, разлічанай на 2011—2015 гады, гаспадаркі павялічваюць колькасць пчаліных сем'яў, праводзяць мерапрыемствы па паляпшэнні іх племянных якасцяў, набываюць новыя вуллі, качавыя платформы.
За шэсць месяцаў гаспадаркі закупілі 1.044 вуллі, а да канца года, у адпаведнасці з праграмай, павінны набыць (ці вырабіць) яшчэ амаль 399.У прыватнасці, сёлета лясгасы набылі 1.231 пчаліную плодную матку (пры плане 1.160).
У 2013 годзе для падвозу пчаліных сем'яў на апыленне лясгасы набылі 35 качавых платформ замест 22 запланаваных.
На 1 кастрычніка 2010 года ў галіны мелася 6.929 пчаліных сем'яў.