У 108 з 118 раёнаў Беларусі заробак ніжэйшы за сярэдні па краіне 16

Белстат апублікаваў дадзеныя аб сярэднім заробку ў раёнах Беларусі за май 2013. Агулам па краіне ён склаў 4 988 300 рублёў — $575.

Наколькі «сярэдняя тэмпературы бальніцы» адпавядае сітуацыі ў краіне, дэманструе наступны факт.

Больш за сярэдні беларускі заробак налічылі толькі ў Наваполацку, Мінску, Гродне, Гомелі, Жлобінскім, Рэчыцкім, Мазырскім, Дзяржынскім, Мінскім, Салігорскім і Смалявіцкім раёнах. А вось ў 108 раёнах — менш за сярэдні заробак.

Згодна з падлікамі, самым багатым рэгіёнам краіны па-ранейшаму застаецца Салігорскі раён. Тут зараблялі па 7 316 700 рублёў ($843,4 у эквіваленце).

Услед ідуць Наваполацк ($754), Мінск ($727) і Мазырскі раён ($636).

На адваротным баку спіса ўсё яшчэ Браслаўшчына ($391) і Лоеўшчына ($393). Астатнія раёны пераадолелі ў маі мяжу ў $400.

Ягор Марціновіч

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ