Аднойчы Зеўс
Злучыць прыдумаў у Саюз,
Маўляў, ім будзе там утульней,
Амброзію паводле плана
Падзелім цэнтралізавана,
Без розных закулісных гульняў!
Злучылі музаў у Саюз,
Ды раптам здарыўся канфуз:
Занадта многа музаў стала,
Бо пазапісваліся ў члены
Кентаўры, Цэрбер і сірэны,
На ўсіх амброзіі замала!
Тады абралі старшыню —
З гор Эрыманфскую свінню,
Каб за амброзіяй сачыла,
Каб для сяброў хапіла корму
Свіння усталявала норму —
Па кроплі кожнаму на рыла.
Але пазначаны Саюз
Цяпер ужо жыве без муз:
У музаў не знайшлося рылаў,
Адное — крылы.
0
0
0
0
0
0
