Мінскі гарадскі суд пакінуў без зменаў прысуд кіраўніку Юдэйскага рэлігійнага аб’яднання ў Беларусі Юрыю Дорну.
Касацыйны пратэст пракуратуры, якая патрабавала скасаваць мяккі вырак спадару Дорну, вынесены судом Цэнтральнага раёна Мінска, і накіраваць яго справу на паўторны разгляд, гарадскім судом задаволеная не была.
Сам Юрый Дорн прысутнічаў на сённяшнім працэсе. Пасля абвяшчэння выраку ён заявіў, што задаволены, і назваў судовае рашэнне «справядлівым».
У сакавіку Юрыю Дорну за ўхіленне ад выплаты падаткаў прысудзілі два гады абмежавання волі без накіравання на «хімію». Дорна апраўдалі па іншых абвінавачаннях, у тым ліку што да хабару, і вызвалілі ў залі суда. Пракуратуру такое рашэнне суда Цэнтральнага раёна Мінску не задаволіла.
0
0
0
0
0
0