На гэтым тыдні будзе моцная спёка: месцамі да +35°С!

На гэтым тыдні ў Беларусі будзе спякотнае надвор’е, паведаміў начальнік службы гідраметэаралагічных прагнозаў Рэспубліканскага гідраметэацэнтра Дзмітрый Рабаў 5 жніўня на відэабрыфінгу.

Паводле інфармацыі Рабава, у Беларусь пачалі паступаць паветраныя масы з Паўднёва-Заходняй Еўропы. «У большасці раёнаў ўсталюецца гарачае і сухое надвор’е», — адзначыў ён.

У аўторак ападкаў не чакаецца, толькі ў асобных раёнах Віцебскай вобласці могуць прайсці кароткачасовыя дажджы, магчымы навальніцы. Тэмпература паветра ноччу плюс 13–19°С, днём 25–29°С, па паўднёвым захадзе да плюс 30–31°С.

У сераду без істотных ападкаў. Тэмпература паветра ноччу плюс 15–19°С, днём 26–31°С, па паўднёвым захадзе — да плюс 33°С.

У чацвер таксама без ападкаў. Тэмпература паветра ноччу плюс 15–21°С, днём 27–34°С.

У пятніцу чакаецца пераважна без ападкаў, днём па паўночна-заходніх раёнах магчымы кароткачасовыя дажджы, навальніцы. Тэмпература паветра ноччу плюс 15–22°С, днём 28–33°С, па поўдні — да плюс 35°С.

«У выхадныя дні надвор’е пачне мяняцца.

З Заходняй Еўропы праз нашу краіну будзе праходзіць актыўны кантрасны атмасферны фронт, які паступова будзе адціскаць спякотнае паветра на ўсход.

На большай частцы тэрыторыі чакаюцца кароткачасовыя дажджы, месцамі навальніцы, моцныя залевы. У дзённыя гадзіны могуць быць ўзмацнення ветру з парывамі да 15–20 м/с, у асобных раёнах магчымы град», — паведаміў Рабаў.

У суботу тэмпература паветра ноччу плюс 15–22°С, днём ад плюс 20–22°С па захадзе, да плюс 31–33°С па ўсходзе краіны.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ