Актывісту апазіцыі з Глыбокага Яраславу Берніковічу, які напісаў заяву на працаўладкаванне ў мясцовай міліцыі, адмовілі.
Прычына адмовы ў тым, што нехта напісаў заяву раней, патлумачыў Берніковічу намеснік начальніка Глыбоцкай міліцыі па ідэалагічнай працы.
Берніковіч, які не мае цяпер сталай працы, заўважыў у мясцовай газеце абвестку, што Глыбоцкі РАУС шукае кандыдатаў на пасаду старшага інспектара групы інфармацыйнага забеспячэння. Берніковіч сабраў неабходныя дакументы і прапанаваў свае паслугі.
Яраслаў Берніковіч прызнае, што асабліва і не разлічваў на станоўчае рашэнне. Насамрэч праца ў яго ёсць — цяпер ён выдае рэкламную газету. Але фармальна звольніўся з пасады дырэктара, каб знізіць фінансавую нагрузку на прадпрыемства.
Каментары