9 жніўня адбылося другое паседжанне суда па хадайніцтве Віктара Сырыцы аб падмане чытачоў газетай «Наш край».
Падманутымі палічылі сябе аматары гісторыі, якія 2 чэрвеня прыехалі на афіцыйнае святкаванне
На месцы мілавідскіх помнікаў у час, які абвясціла афіша газеты, святкавання не адбывалася. Больш за тое, на аднаго з гасцей свята Віктара Сырыцу склалі пратакол за арганізацыю і правядзенне несанкцыянаванага масавага мерапрыемства. Актывіст звярнуўся ў суд, абвінаваціўшы газету ў падмане чытачоў.
Суддзя Вольга Апановіч выканала просьбу Сырыцы аб тым, каб суд веўся на беларускай мове, і ўсё судовае паседжанне сапраўды праходзілапа-беларуску .
Прадстаўнікі аддзела ідэалагічнай работы, культуры і па справах моладзі райвыканкама, які і падаваў аб’яву ў газету, паведамілі на судзе, што правялі святкаванне ў 10 гадзін, на дзве з паловай гадзіны раней за прызначаны час, праз… неспрыяльны прагноз надвор’я.
Яны паведамілі, што сапраўды не папярэдзілі чытачоў газеты «Наш край» пра адмену святкавання ў прызначаны час. Арганізатар мерапрыемства — дырэктар
Віктар Сырыца патрабуе ад газеты «Наш край» і аддзела ідэалогіі і культуры райвыканкама аплаціць арэнду аўтобуса, на якім аматары гісторыі прыехалі на мерапрыемства, анансаванае газетай, выплаціць дзяржаўную пошліну і штраф, які Сырыцы прысудзілі па абвінавачванні ў арганізацыі і правядзенні несанкцыянаванага масавага мерапрыемства. Актывіст таксама хоча, каб газета размясціла на сваіх старонках аб’яву аб тым, што ёй быў дапушчаны падман чытачоў.
Суддзя прапанавала Сырыцу заключыць з адказчыкамі міравую, але той не пагадзіўся.
Заключнае слуханне па справе адбудзецца 26 жніўня.
Памятаеце палітвязня Вітухноўскага, які пайшоў ваяваць за Расію? Ён ужо загінуў9
Каментары