Адмовіўся ад размеркавання? Плаці штраф з улікам дэвальвацыі — фотафакт
Студэнты бюджэтнай формы навучання пасля заканчэння імі ўсяго тэрміну навучання павінны адпрацоўваць кошт свайго навучання шляхам размеркавання.
Здавалася б, студэнт ведаў на што ішоў, не хочаш адпрацоўваць — плаці. Аднак не ўсё так проста!
Яшчэ ў часы дэвальвацыі 2011 года Савет Міністраў выдаў пастанову, згодна з якой выпускнікі не могуць проста ўзяць і аплаціць менавіта столькі, колькі затраціла на іх дзяржава. Для такіх студэнтаў выдуманы асаблівыпрайс-ліст , з так званым «карэктуючым каэфіцыентам».
Каэфіцыент разлічваецца шляхам дзялення сярэднямесячнага кошту падрыхтоўкі навучэнца ў апошні каляндарны год падрыхтоўкі на сярэднямесячны кошт падрыхтоўкі аднаго навучэнца за ўвесь перыяд падрыхтоўкі.
Напрыклад, кошт навучання ў беларускіх ВНУ ў апошні каляндарны (2013) год складаў прыкладна 12 мільёнаў беларускіх рублёў. Да дэвальвацыі кошт навучання складаў прыкладна 3,5 мільёна. Разам сярэднямесячны кошт падрыхтоўкі аднаго навучэнца за ўвесь перыяд падрыхтоўкі складзе прыкладна 4,5 мільёна. Падзяліўшы «12» на «4,5», атрымліваем «2,6». Гэта і будзе каэфіцыент.
Гэта значыць,
усе студэнты, якія хочуць аплаціць кошт свайго навучання дзяржаве, павінны аддаць як мінімум у 2,6 разу больш, чым насамрэч было выдаткавана на яго адукацыю.
Гэткая форма кампенсуе страты ўніверстітэтаў пры дэвальвацыі, аднак укладчыкам банкаў чамусьці ніякіх страт не вярнулі.
Цяпер чытаюць
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно16
Каментары