@alexshuykov Обед на двести тыщ и сумка больше чем за ЛЯМ!!)
@mulli_mulokko Чувствую себя миллионершей.
@s_yulika привет из советского прошлого. Милые животные на конфетках в Бресте. Hello from USSR.
@ili_yulia Гранд СОВОК Пэлас. Беларусь. Витебск.
@nywa_me Ура!!! Белорусский Драник!!! С большой буквы Д!!! Я скучала по тебе,малыш!
@levvolfson Белоруссия, я люблю тебя !!!
@darina_a Белорусские конфеты:)
@faithli7e @katopiter iФрукт – подарок из Белоруссии.
@bagroff Белорусы настолько суровы, что даже водку считают вином.
@malginov Каникулы в республике #беларусь город #гомель #пьем #бульбашъ и тестируем #сало для @avoynov.
@arhangel_sk Киоск на вокзале. Угадайте что там продается?;)
@rijik21 Прикольные у них названия))
@natgeoru “Где-то среди белорусских полей”. Автор фото: Вячеслав Руденок.
@tinapoter Бык в Белоруссии)
@loveterehova Замок в городе Несвиж, который некогда принадлежал Польше.
@olio Кончаловский на @tvrain_inside: в том, как выглядит сортир, в той или иной стране, заключен код этой нации (с)
@bakchuvak.
@ajouravleva Мужик и медведь – не повезло мужику!)))
@kurdeko_vitaly.
Заўсёды цікава даведацца, што думаюць замежнікі пра тваю краіну. А яшчэ цікавей гэта не толькі пачуць, але і ўбачыць. Аўтары сайта artsiadziba.by старанна пакапаліся ў інстаграме ды сабралі тыповыя фотамеркаванні, фотаўражанні і фотаздзіўленні ад нашых усходніх суседзяў аб Беларусі.
Апошнім часам усё часцей і часцей можна заўважыць і пачуць рускага турыста на мінскіх вуліцах. Для жыхароў Масквы і бліжэйшых гарадоў Расіі з’ездзіць на некалькі дзён у Беларусь нечым нагадвае нашае «зганяць на выходныя ў Вільню». Не вельмі далёка, але ўжо Еўропа. Едуць у Беларусь, каб з галавою акунуцца ў савецкае мінулае з жывёламі на цукерках, смачнай сгушчанкай і чыстымі вуліцамі.
Аўтараў фотаздымкаў, якія ў інстаграме падпісваюць з хэштэгамі #белоруссия і #belorussia можна суб’ектыўна падзяліць на настальгіруючых турыстаў, якія едуць у чыстую «Белоруссию», тых, хто ў Беларусі праездам і гасцей з беларускімі каранямі.
Грошы і кошты
Асобнай серыяй мы вылучылі фотаздымкі беларускіх грошай і чэкаў, якія звычайна суправаджаюцца каментарамі: «350 тонн за еду! Богачиииии!», «Зае**к кофе попили!», «Кока-кола — цена 5 560!», «Чувствую себя миллионершей!».
Парк савецкага перыяду
Вялікая колькасць савецкіх артэфактаў і інтэр’ераў у стылістыцы 80-х, якіх, па праўдзе кажучы, не менш засталося і ў Расіі, таксама прыцягвае ўвагу турыстаў. Толькі ў беларускай прасторы, яны, згодна з меркаваннем турыстаў з Расіі, з’яўляюцца не гістарычнымі фактамі з савецкага мінулага, а сённяшнімі жыццёвымі рэаліямі краіны.
Беларуская ежа: Dranik Land
Хто не посціў фотаздымкі ежы ў інстаграм? Калі рускі турыст прыязжае ў Беларусь, у яго інстаграме абавязкова з’явіцца здымак дранікаў з прыкладна такім ці падобным подпісам: «Ура!!! Белорусский Драник!!! С большой буквы Д!!! Я скучала по тебе, малыш!»
Беларускія тавары: цукеркі, піва, гарэлка, згушчанка
У Расіі тавары з Беларусі карыстаюцца вялікім попытам. Склалася меркаванне, што ўся беларуская прадукцыя якасная і натуральная. Таму пад шыльдаю «Товары из Белорусии» ў адной Маскве працуе не адна сотня крамаў, якія часам гатовыя выдаць за беларускае ўсё што прадаюць, бо ведаюць, што тады будзе попыт. Прыязджаючы ў Беларусь, рускія турысты фатаграфуюць і найбольшую ўвагу звяртаюць на беларускія цукеркі, шакаладкі, гарэлку, піва і рагачоўскую згушчанку, якая надта ж ім нагадвае тую, «з дзяцінства». Гэтыя ж тавары часцей і вязуць у якасці «Presents from Belarusiа».
Назвы па-беларуску
На вуліцах Беларусі беларускую мову ўбачыш і пачуеш рэдка. Можа таму надпісы па-беларуску ў рускіх вызываюць здзіўленне, а да фотаздымка з надпісам «вакзал» яны дадаюць хэштэгі: #ржака #смешно #прикол. Ці гэта проста ўзровень адукаванасці і менталітэт?
Беларуская прырода: каровы і буслы
У топ фотаздымкаў беларускай прыроды адназначна патрапляюць каровы і буслы. На шматлікіх інстафотках сустракаюцца беларускія палі са снапамі ды цэлымі кампазіцыямі з іх.
Самае папсовае: зубр, бібліятэка, Нясвіж, Мір
У кожнай краіне турысты фатаграфуюць прыблізна адныя і тыя ж месцы ды помнікі. У нас склалася ўражанне, што калі абагульніць усе прагледжаныя ў інстаграме фотаздымкі, то турысты з Расіі найчасцей фатаграфуюць помнік зубру на трасе Масква-Брэст каля Баранавічаў, нацыянальную бібліятэку і замкі ў Нясвіжы і Міры.
P.S. Прыкалюхі
Скончыць жа наш агляд «Што фатаграфуюць рускія ў Беларусі» хочацца фотаздымкамі, якім не знайшлося месца ў тэматычных серыях, але пакінуць без увагі мы не змаглі.
P.P.S.
Мы вырашылі не рабіць нейкія высновы ці падводзіць вынікі. Кожны ў гэтай публікацыі знойдзе свой адказ на пытанне: дык якая яна, Беларусь?
