Мор птушкі на Гомельшчыне выкліканы грубымі парушэннямі тэхналогіі і безгаспадарчасцю 2

Дэпартамент ветэрынарнага і харчовага нагляду правёў службовае расследаванне фактаў мору птушкі на птушкафабрыцы РУП «Беларуснафта-Асобіна», паведамляецца на сайце ведамства.

Паводле вынікаў расследавання, інфекцыйных захворванняў птушкі не выяўлена, мор выкліканы грубымі парушэннямі тэхналагічнага працэсу вырошчвання бройлераў і безгаспадарчасцю.

Матэрыялы расследавання накіраваныя ў пракуратуру Гомельскай вобласці для дачы прававой ацэнкі дзеянням дырэктара і в.а. галоўнага ветэрынарнага ўрача РУП «Беларуснафта-Асобіна», гаворыцца ў паведамленні дэпартамента.

Нагадам, што ў сярэдзіне жніўня ў інтэрнэце быў выкладзены ролік пра сітуацыю на птушкафабрыцы РУП «Беларуснафта-Асобіна» ў Буда-Кашалёўскім раёне.

Аўтар відэа зняў сотні ці нават тысячы дохлых птушак, сцвярджаючы, што на прадпрыемстве мор курэй складае да тысячы ў дзень.

Nashaniva.com