30 жніўня — «Прынцып Талакі»

30 жніўня, а 19.00 у свободнай прасторы «Дом Фішара» па адрасе: пр. Незалежнасці, 84а платформа TALAKA.BY правядзе сацыяльную ролевую гульню «Прынцып Талакі». Усе ахвотныя змогуць акунуцца у атмасферу свабоды рэалізацыі сваіх мэтаў і праектаў. Адбудзецца імпрэза платформы TALAKA.BY, дзе можна будзе даведацца пра сацыяльна значныя праекты і чым платформа TALAKA.BY дапамагае ў іх рэалізацыі. У лёгкай і вясёлай манеры будзе расказана пра project-мэнэджмент як навуку і хобі. Асноўную частку мерапрыемства зойме сацыяльная ролевая гульня «Прынцып Талакі», у працэсе якой, усе удзельнікі змогуць выканаць розныя ролі, а таксама адчуць сябе героямі, ад якіх непасрэдна залежыць рэалізацыя праекта.

Цягам гульні, усе яе ўдзельнікі распрацуюць сацыяльна значны праект. Удзельнікі змогуць лепей зразумець, чаму падчас супольных дзеянняў заўсёды ёсць людзі, якія дапамогуць любымі сродкамі, а таксама такія, якія могуць «ставіць палкі ў колы». Мерапрыемства можа зацікавіць і тых, хто мае ідэі сацыяльна-значных праектаў, але не ведае як пачаць.

30 жніўня ў Доме Фішэра кожны зможа знайсці людзей, блізкіх па духу, паплечнікаў і памагатых, каб зрабіць наш горад і краіну больш лепшымі.

Талака — гэта старажытнае беларускае слова, якое абазначае супольную працу, добраахвотную ў сваёй аснове. Спрадвеку беларусы талакой секлі лес, збіралі ўраджай, будавалі дамы ды ўзводзілі храмы. А калі справа скончана — талакой і адпачывалі. Talaka.by — гэта сучасны беларускі праект, некамерцыйная платформа, якая дапамагае актыўным людзям у Беларусі рэалізоўваць значныя для грамадства праекты. Асноўны механізм працы — кааперацыя і каардынацыя ўсіх зацікаўленых бакоў.

0

0

0

0

0

0