Гэтым нават карыстаюцца некаторыя прадаўцы, шматкроць завышаючы цэны. Зрэшты, дзякуючы лотам і інтэрнэту мы маем магчымасць пабачыць атрыбутыку тых часоў са старадаўнімі беларускімі сімваламі.
Адзнака «заслужаны трэнер» яшчэ нядаўна прадавалася за 40 даляраў. А значок майстар спорту — за 20. Цяпер жа заслужаны трэнер каштуе 110 даляраў. Бел-чырвона-белы майстар спорту — 100.
Суддзі найвышэйшай і нацыянальнай катэгорыі прадаюцца цяпер па 55 даляраў насуперак ранейшым 25–30 $.
Таксама за 200 даляраў ЗША можна набыць камплект медалёў чэмпіянату РБ з зубром і Пагоняй.
Зразумела, што павышэнне цэн у разы разлічанае на калекцыянераў-пачаткоўцаў, якія яшчэ не разбіраюцца добра ў рознай драбязе. Але гэта і паказчык таго, што цікавасць да перыяду 1991–1995 года расце ў нашым грамадстве.
