Галоўны ядзерны пасярэднік Паўночнай Карэі Кім Кай-Гван заклікаў міжнародную супольнасць аднавіць міжнародныя перамовы па ядзернай праграме краіны.
Пры гэтым на мінулым тыдні з'явілася інфармацыя, што Паўночная Карэя, магчыма, рэактывавала закансерваваны раней ядзерны рэактар у Ёнбене.
Выступаючы на форуме ў Пекіне, Кім Кай-Гван заявіў, што яго краіна гатова вярнуцца да фармату шасцібаковых перамоў з суседнімі краінамі і ЗША без якіх-небудзь умоваў.
Раней ЗША і Паўднёвая Карэя заявілі, што аднаўленне перамоваў магчыма толькі пры ўмове, што паўночнакарэйскі бок выкажа прыхільнасць да выканання заключаных раней дамоваў аб адмове ад ядзерных амбіцый.
0
0
0
0
0
0