Мадэрнізацыя беларускіх цэментных заводаў будзе ажыццяўляцца за кошт крэдытаў замежных банкаў. Аб гэтым паведамілі карэспандэнту БЕЛТА у Міністэрстве архітэктуры і будаўніцтва Беларусі.
У Мінбудархітэктуры адзначылі, што на рэалізацыю праекта па мадэрнізацыі цэментных заводаў Беларусі плануецца задзейнічаць замежныя крэдытныя рэсурсы ў аб'ёме да $600 млн.
Выгадныя ўмовы крэдытавання для Беларусі могуць прадаставіць кітайскія партнёры, адзначылі ў міністэрстве. Наша краіна ў сваю чаргу зацікаўлена ў рэалізацыі такога супрацоўніцтва з Кітаем.
Правёўшы мадэрнізацыю цэментавых заводаў, Беларусь хоча павялічыць штогадовы аб'ём вытворчасці цэменту да 2011 года ў тры разы да 9,5-10 млн.т. Плануецца, што Беларусь да 2011 года будзе спажываць каля 5 млн.т цэменту ў год і прыкладна столькі ж экспартаваць.
Выказаў зацікаўленасць у супрацоўніцтве з Беларуссю і Казахстан, які прапанаваў Беларусі пабудаваць на тэрыторыі гэтай краіны цэментны завод. Гэтыя пытанні абмяркоўваліся будаўнічымі ведамствамі дзвюх краін у час рабочага візіту прэм'ер-міністра Беларусі Сяргея Сідорскага ў Казахстан 11-13 верасня.
