У цэнтры Мінска замест таго каб даць ацяпленне, адключылі гарачую ваду
У рэдакцыю «Нашай Нівы» звярнуліся жыхары дома па вуліцы Чырвоная ў сталіцы. Учора, 1 кастрычніка, яны ўбачылі на дзвярах пад’езда абвестку, што да 3 кастрычніка ў доме будзе адсутнічаць гарачая вада.
«Замест таго, каб уключыць ацяпленне, нам адключылі гарачую ваду. Замест халоднай ідзе нейкая незразумелая ржаўчына, — скардзіцца чытачка «НН». — Мы звярнуліся ў ЖЭС, аднак там нас накіравалі ў цепласеткі, сказаўшы, што зараз у нашым раёне «ўразаюць» новы канал». Чаму яны робяць гэта ў кастрычніку, тым больш, што нават сёння ноччу тэмпература апусіцца ніжэй за нуль?».
У цепласетках карэспандэнта «Нашай Нівы» перанакіравалі ў ЖЭС. Стала вядома, што гарачую ваду адключлі і ў шэрагу дамоў на вуліцы Якуба Коласа.
Начальнік раёна па цепласетках Аляксандр Слонімскі паведаміў, што адключэнне – планавае.
«Мы запускаем новую магістраль, таму вымушаны адключыць гарачую ваду. Так, гэта планавае адключэнне».
Нягледзячы на тое, што адключэнне вады летам у раёне таксама праводзілася, працы над магістраллю не скончыліся.
«Мы летам працавалі на тэрыторыі завода Арджанікідзэ, сёння ўвечары ваду дамо», — кажа Слонімскі.
Тым не менш, чытачы «НН», якія засталіся без вады, плануюць звяртацца са скаргай у Адміністрацыю Лукашэнкі.
Цяпер чытаюць
«Думаеце, я гэты пашпарт дома не шукала?» Вольга Сямашка пракаментавала сітуацыю з дакументам прыкрыцця свайго мужа10
Каментары