Аляксандр Лукашэнка сёння наведае водна-трэніровачны комплекс у Мінску. Аб гэтым БЕЛТА паведамілі ў прэс-службе кіраўніка дзяржавы.
Аб'ект узведзены на месцы адкрытага водна-трэніровачнага комплексу, які працаваў з 1965 года. Ён прызначаны для заняткаў па плаванню, воднаму пола і скачках у ваду.
У склад комплексу ўваходзяць плавальны і скачковы басейны, тры спецыялізаваныя трэніровачныя залы: харэаграфіі, трэнажорная і зала для скакуноў у ваду, дзе ўстаноўлены батут, сухі трамплін і іншае неабходнае абсталяванне.
Плавальны басейн на 8 дарожак абсталяваны электронным табло і сістэмамі для правядзення міжнародных спаборніцтваў па водным пола. Басейн таксама змогуць наведваць людзі з абмежаванымі магчымасцямі, для якіх тут устаноўлены спецыяльны пад'ёмнік. Глыбіня скачковага басейна складае 5,5 м. Для пад'ёму да скачковых вышак зманціраваны панарамны ліфт на 5 прыпынкаў.
