Здымкі атрыманыя з Міжнароднай касмічнай станцыі.
Каб захаваць начны горад ва ўсіх дэталях, патрабуецца вялікая экспазіцыя. Праз гэта малюнак падчас здымкі непазбежна размываецца, бо МКС пралятае над горадам з велізарнай хуткасцю звыш 7 км/с. Якасныя здымкі касманаўты навучыліся атрымліваць толькі пасля таго, як на станцыі была ўсталяваная самаробная сістэма сачэння, аналагічная гадзінным механізмам, якія ўсталёўваюцца на тэлескопах.
Сярод захаваных на фота гарадоў не толькі мегаполісы Парыж, Масква і Нью-Ёрк, але і невялікія гарады.
Касманаўты таксама зрабілі здымак сталіцы Беларусі і яе наваколля. На здымку выразна бачныя праспект Незалежнасці, асноўныя вуліцы і МКАД. У кадр акрамя Мінска трапілі таксама Заслаўе, Смалявічы, Дзяржынск і Нацыянальны аэрапорт.
