«Дудка беларуская» і «Смык беларускі» Ф. Багушэвіча, выдадзеныя лацінкай.
Беларуская драматургія: «Па рэвізіі», «Модны шляхцюк» і «Раскіданае гняздо».
«Паўлінка» Янкі Купалы і «Антон» М. Гарэцкага.
Амерыканская класіка: «Прынц і жабрак» марка Твэна.
«Ірландскія народныя казкі» для беларускіх дзетак.
Друкавалася шмат перакладной літаратуры. На фота беларускамоўныя выданні «Рабінзона» Д. Дэфо і «Кацярыны» Т. Шаўчэнкі.
Падручнік граматыкі «Першыя зярняткі».
«Асновы дзяржаўнасці Беларусі» М. Доўнар-Запольскага.
«Наша Ніва» за 1911 год.
Пчалярскі часопіс «Беларуская борць».
Часопіс «Шлях моладзі».
Газета «Гоман».
Чаго бракуе цяпер: навуковая, навукова-пааулярная і вучэбная літаратура па-беларуску.
«Аб чалавечым целе» А. Красоўскага
Выстава кніг Беларускага музея ў Вільні.
У рамках ІІІ Міжнароднага Кангрэсу даследчыкаў Беларусі Беларускі музей ў Вільні зладзіў выставу сваіх скарбаў: старых беларускамоўных выданняў пераважна міжваеннага часу. Выстава праходзіць у будынку гуманітарнага факультэта Універсітэта Вітаўта Вялікага ў Коўне. Экспанаты выстаўленыя ў простых стэлажах, але нават з гэтага невялікага кнігасбору зразумела, наколькі разнастайнай была беларускамоўная выдавецкая справа ў першыя дзесяцігоддзі ХХ стагоддзя.
«У міжваенны час у Вільні выдавалася шмат мастацкай, навукова-папулярнай, дзіцячай літаратуры, друкаваліся падручнікі для школ. Выходзілі газеты: «Наша доля», «Наша Ніва», «Беларуская крыніца», «Сялянская ніва», «Самапомач», «Гоман», «Беларускі голас»; часопісы «Хрысціянская думка», «Шлях моладзі», «Калоссе», «Нёман»; гумарыстычны часопіс «Маланка»; дзіцячы часопіс «Заранка», «Пралескі» і інш.
З аповедаў віленскіх беларускіх дзеячоў, якія за сваю дзейнасць былі пакараныя сталінскімі лагерамі, усю беларускамоўную літаратуру, кнігі, газеты падчас следства іх прымушалі пад наглядам следчых спальваць у печках. Захоўванне кніг і газет было проста небяспечным для жыцця іх самых і іх блізкіх.
Беларусы хавалі кнігі ў самых неймаверных месцах. Так, Язэп Шнаркевіч свае дзённікі закапаў у зямлю. Толькі праз поўвеку, падчас будоўлі новага дома яго нашчадкі іх знайшлі. Таму прадстаўленыя вам кнігі і газеты прайшлі нялёгкі, пакутлівы шлях», — паведамляюць арганізатары.
Кнігі, прадстаўленыя на выставе, былі ахвяраваныя з прыватных калекцый, а таксама набытыя Беларускім музеем у Вільні. Выстава прысвечана Сяржуку Вітушку, якому належыць ідэя адраджэння Беларускага музея ў Вільні.
