21 кастрычніка (панядзелак) у Мінску, каля мемарыяла «Яма», адбылася акцыя памяці, прысвечаная 70-годдзю знішчэння Мінскага гета.
На ёй прысутнічалі міністр замежных спраў Беларусі Уладзімір Макей, прадстаўнік канцылярыі прэм'ер-міністра Ізраіля Наомі Бен-Амі, старшыня Мінгарвыканкама Мікалай Ладуцька, упаўнаважаны па справах рэлігій і нацыянальнасцей Леанід Гуляка, пасол Ізраіля ў Беларусі Іосіф Шагал, прадстаўнікі яўрэйскай абшчыны, каталіцкай і праваслаўнай цэркваў, паслы шэрагу еўрапейскіх дзяржаў.
Падчас цырымоніі да помніка ахвярам Мінскага гета ў адпаведнасці з яўрэйскай традыцыяй быў ускладзены камень, прывезены з наваколляў Іерусаліма.