Фота «Вечерний Брест».
Фота «Вечерний Брест».
Фота «Вечерний Брест».
Маскоўскі РАУС Брэста праводзіць праверку па факце пашкоджання шкла тралейбуса на прыпынку грамадскага транспарту.
Як паведаміў БелаПАН начальнік аддзялення інфармацыі і грамадскіх сувязей УУС Брэсцкага аблвыканкама Сяргей Дучэнка, гэта адбылося 21 кастрычніка каля 24.00 на праспекце Машэрава на прыпынку МОПРа.
Невядомымі было пашкоджанае бакавое шкло тралейбуса. Вадзіцель тралейбуса і пасажыры не пацярпелі. «На пашкоджаным шкле пайшлі трэшчыны.
У ходзе праверкі ўстанаўліваецца, якім спосабам гэта было зроблена. Не выключана, што стралялі з пнеўматычнай зброі. Праводзяцца аператыўна-вышуковыя мерапрыемствы па ўстанаўленні асоб, якія маюць дачыненне да гэтага правапарушэння», — дапоўніў Дучэнка.
Мяркуецца, што па тралейбусу стралялі з аўтамабіля, які праязджаў міма.
Ён адзначыў, што міліцыя просіць грамадзян, якім што-небудзь вядома пра гэтае здарэнне, паведаміць у найбліжэйшы тэрытарыяльны аддзел унутраных спраў або па тэлефоне 102.
