Кіраваць танцоркамі бікіні-мыйкі будзе «каралева стрыптызу», якая працавала ў замежжы з уласным шоу
Кіраўніцтва «Жоўтай мыйкі» на Карбышава 4 у Гомелі працягвае ўдасканальваць новы сэрвіс — першую ў Беларусі бікіні-мыйку. У пятніцу зацікаўленым журналістам было абвешчана, што пастаноўкай танцавальнага шоу зоймецца прафесійная стрыптызёрша Эльвіра.
Дзяўчына зоймецца пастаноўкай нумароў — гэта значыць, будзе харэографам. Напярэдадні перад гасцямі і журналістамі яна паказала сольны выступ, пасля чаго «памыць» аўто выйшлі іншыя ўдзельніцы калектыву.
Эльвіра распавяла, што забаўляльнымі шоу яна займаецца ўжо больш за дзесяць гадоў, з якіх паўтара года прыйшліся на выступы за мяжой. У Турцыі ў дзяўчыны нават было ўласнае шоў.
За выступленнем з элементамі эротыкі пачалася рэальная мыйка аўтамабіля.
Наступным крокам у развіцці новага сэрвісу павінна стаць ужо анансаванае раней адкрыццё бікіні-мыйкі для аўталэдзі.
У рамках гэтага шоу мыць аўтамабілі будуць прывабныя маладыя людзі.
