Праезд чыгункай у 2014 г. можа падаражаць удвая, у Мінску — да 5 000 рублёў
Кошт праезду чыгуначным транспартам у Беларусі можа быць павялічаны ў 2-2,5 разу ў 2014 годзе.
Гэта прадугледжана праектам афіцыйнага прагнозу сацыяльна-эканамічнага развіцця на будучы год.
Праграма сацыяльна-эканамічнага развіцця Беларусі на 2011—2015 гады прадугледжвае, што ўзровень пакрыцця насельніцтвам кошту транспартных паслуг у 2015 годзе павінен складаць не менш як 60%. Для выхаду на гэты ўзровень, паводле ацэнак эканамічных улад, тарыфы на праезд у 2014 годзе ў цягніках рэгіянальных і міжрэгіянальных ліній неабходна павялічыць у 2-2,5 разу.
Пры гэтым для недапушчэння аднамомантнага павелічэння кошту праезду чыгуначным транспартам павышэнне тарыфаў у будучым годзе эканамічныя ведамствы прапануюць ажыццяўляць у тры этапы.
Акрамя гэтага, прапануецца ў будучым годзе павысіць тарыфы на праезд гарадскім транспартам.
У Мінску кошт праезду плануецца ў 2014 годзе павялічыць да 5 000 рублёў, у абласцях да 4 200 рублёў.
Цяпер чытаюць
Дачка Надзеі Ермаковай пастаўляе рыбу ў калоніі, бальніцы і сілавікам6
Каментары