Пра гэта гаворыцца ў паведамленні з 55-га пленарнага пасяджэння Канферэнцыі Каталіцкіх Біскупаў Беларус (пункт 8):
У прыватнасці, у паведамленні з пасяджэння адзначаецца:
«Таксама Мітрапаліт Тадэвуш Кандрусевіч праінфармаваў удзельнікаў пасяджэння, што з самага пачатку арышту ксяндза Уладзіслава Лазара Курыя Мінска-Магілёўскай архідыяцэзіі забяспечвае святару адвакацкую апеку. У сувязі з вышэйсказаным уся іншая інфармацыя ў СМІ наконт адваката ў гэтай справе з’яўляецца недакладнай».
Пра арышт ксяндза Уладзіслава Лазара стала вядома ў канцы ліпеня.
Пазней, са спасылкай на Каталіцкі касцёл, стала вядома, што ксяндзу У. Лазару ставіцца ў віну перадача грошай і матэрыяльных каштоўнасцей чалавеку, які абвінавачваецца ў шпіянажы на карысць іншай дзяржавы. Ён абвінавачваецца паводле п. 1 арт. 356 Крымінальнага кодэкса (здрада дзяржаве). Яго крымінальная адказнасць вызначаецца п. 6 арт. 16 КК (садзейнічанне ў злачынстве), што прадугледжвае тэрмін пакарання ад 7 да 15 гадоў. Кс. У. Лазар ўтрымліваецца ў турме СІЗА КДБ у Мінску. Інфармацыю пра гэта распаўсюдзіла Канферэнцыя каталіцкіх біскупаў Беларусі 12 верасня.
Справа кс. Лазара абмяркоўвалася на сустрэчы Апостальскага нунцыя Клаўдыа Гуджэроці з Папам Францішкам, 25 кастрычніка нунцыя сустрэўся з Уладзіславам Лазарам у СІЗА КДБ.
Цяпер чытаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары