Навагоднюю ілюмінацыю на ёлках у Мінску плануецца ўключыць 16 снежня. Пра гэта паведаміў дырэктар унітарнага прадпрыемства «Мінгарсвятло» Славамір Грыневіч сёння на аператыўнай нарадзе ў Мінгарвыканкаме.
Прадпрыемства традыцыйна займаецца светлавым афармленнем горада.
Цяпер завяршаецца рэканструкцыя існуючай ілюмінацыі каля Палаца спорту і Лядовага палаца.
Заканчваецца светлавое афармленне навагодніх пляцовак ля Палаца культуры і спорту чыгуначнікаў, Палаца культуры МАЗ і ў Шабанах.
Тэрыторыя каля комплексу «Чыжоўка-Арэна» і прылеглая да яго вуліца Ташкенцкая таксама парадуюць мінчан і гасцей горада.
0
0
0
0
0
0
