На цырымоніі ў арт-цэнтры «Юла» назавуць імя новых уладальнікаў прэміі «Героі году» ад парталу Tuzin.fm., а таксама «Дэбют году».
Ужо 11-ы год запар беларускі партал «Тузін Гітоў» падводзіць вынікі музычнага году. Летась прэмію атрымаў гурт Akute, які быў па-за канкурэнцыяй. А вось сёлета ў шорт-лісце прэміі адразу пяць прэтэндэнтаў.
У намінацыі «Дэбют году» на перамогу прэтэндуюць рэпер Sp Kava, фольк-эмбіент праект Dzivia, поп-рок гурт Hurma,псіхадэлічны Tonqixod, рамантычны дуэт Navi. Атрымаць званне «Героі году» маюць шанец:B:N:, N.R.M., Re1ikt, «Ляпіс Трубяцкой» і BosaeSonca.
Пераможцы па гэтых дзвюх намінацыях будуць абвешчаныя непасрэдна на канцэрце, у якім выступяць шэраг намінантаў - Tonqixod, Hurma, Sp Kava, Re1ikt і:B:N:.
Весці канцэрт будзе музыкант і шоўмен Алег Хаменка. Наведнікаў чакаюць падарункі ад сталага партнеру «Тузіна Гітоў» – кампаніі «Будзьма беларусамі».
12 снежня. Мінск, Арт-цэнтар «Юла», вул. Сурганава, 26.
Пачатак а 19:00.
Тэлефон для даведак: +375 29 6872093
Квіткі можна замовіць і набыць у касах альбо анлайн праз сайт kvitki.by.