16 снежня адбылася тэлефонная размова Аляксандра Лукашэнкі з Уладзімірам Пуціным.
Прэзідэнт Расіі запрасіў беларускага калегу агледзець алімпійскія аб'екты ў Сочы, а таксама ацаніць гатоўнасць да правядзення зімовай Алімпіяды.
Як паведамляе прэс-служба кіраўніка Беларусі, Лукашэнка «плануе ў бліжэйшыя дні азнаёміцца з інфраструктурай Алімпійскіх гульняў у Сочы, а таксама праінспектаваць гатоўнасць беларускіх аб'ектаў да гэтай найважнейшай міжнароднай спартыўнай падзеі».
Акрамя таго, кіраўнікі дзяржаў «напярэдадні запланаваных 24-25 снежня ў Маскве пасяджэнняў Вышэйшага Еўразійскага эканамічнага савета і Вышэйшага дзяржаўнага савета Саюзнай дзяржавы абмеркавалі парадак дня запланаваных мерапрыемстваў, а таксама прадметна спыніліся на тых пытаннях, па якіх на самітах будуць прымацца рашэнні», паведамляе прэс-служба.
У ходзе размовы былі закрануты і актуальныя тэмы двухбаковых адносін, гаворыцца ў паведамленні.