Пра нумар прысутным расказаў яго рэдактар і ідэйны натхняльнік Юры Гардзееў. На прэзентацыі былі і многія аўтары, чые артыкулы апублікаваныя ў нумары.
Ідэйны натхняльнік Гадавіка — Юрый Гардзееў.
Гісторык Алесь Краўцэвіч.
Гэта ўжо другі выпуск «Гарадзенскага гадавіка» – навуковага гісторыка-культуралагічнага часопіса, цалкам прысвечанага гісторыі Гродна.
Асноўны накірунак у выданні – гістарычная ўрбаністыка ды ўсё, што звязана з тэмай горада. Другі нумар канцэнтруецца на назвах гарадскіх аб’ектаў – аўтары паказваюць, як змяняліся назвы вуліц ды плошчаў у залежнасці ад палітычнай сітуацыі. Гісторыя гарадзенскіх вуліц адсочваецца аўтарамі ад XVI ст да найноўшых часоў
Сярод аўтараў нумару гарадзенскія гісторыкі і краязнаўцы, як сталыя, гэтак і маладыя: Алесь Госцеў, Таццяна Маліноўская, Ганна Паўлоўская, Віктар Саяпін, Генадзь Семянчук, Мечыслаў Супрон, Ігар Трусаў, Вячаслаў Швед і іншыя.
Першы нумар гадавіка, прэзентаваны ў мінулым годзе, быў прысвечаны гісторыі даўняга гарадзенскага Рынку – сённяшняй плошчы Савецкай.
