У нядзелю, 7 кастрычніка, аб 11-й у касьцёле Сьвятых Сымона і Алены адбудзецца прэзэнтацыя пяці кніг народнага паэта Беларусі Рыгора Барадуліна. Ёй будзе папярэднічаць урачыстая багаслужба ў гонар Барадуліна і ўсіх беларускіх пісьменьнікаў.
Сярод прэзэнтаваных кніг — новыя дапоўненыя і перапрацаваныя выданьні "Ксты" на беларускай і англійскай мовах, зборнік паэзіі "Быць", прысьвечаны 20-годзьдзю Чарнобылю, кніга перакладаў клясычнай паэзіі Кітаю, Японіі, Карэі і Віетнаму "Гуканьне паэзіі Ўсходу", а таксама паэтычны зборнік "Малітва ветру" (пераклады Барадуліна на японскую).
На прэзэнтацыю запрошаныя замежныя дыпляматы і беларускія інтэлектуалы.
0
0
0
0
0
0
