Апытанне ў Мінску: Ці павінен патрыяршы экзарх усяе Беларусі быць беларусам?
25 снежня сінод Рускай праваслаўнай царквы прызначыў патрыяршым экзархам усяе Беларусі мірапаліта Разанскага і Міхайлаўскага Паўла. Гэтая падзея выклікала неадназначную рэакцыю ў беларускім грамадстве, сутыкненне меркаванняў вакол таго, што кіраўніком БПЦ прызначаны святар, не звязаны з Беларуссю ні лёсам, ні царкоўнай дзейнасцю.
Карэспандэнты БелаПАН вырашылі высветліць пазіцыі радавых мінчан, задаўшы ім пытанне: «Ці павінен патрыяршы экзарх усяе Беларусі быць беларусам?» Вось некаторыя з пачутых меркаванняў:
«Я лічу, што ёсць годныя беларускія святары, якія вядуць службу на нацыянальнай мове. Вы паглядзіце на католікаў — там стараюцца, каб сярод служыцеляў касцёла па максімуме былі беларусы. Так што дзіўнае рашэнне… Вось ва Украіне сваё праваслаўе, ну а расійскае — яно і ў Афрыцы расійскае».
«Калі будзе добры, разумны чалавек іншай нацыянальнасці — якая розніца?»
«Па-мойму, у веры нацыянальнасць не мае значэння, галоўнае — верыць у Ісуса Хрыста».
«Мы, праваслаўныя беларусы, хацелі б, каб гэта быў наш чалавек, беларус. Пра гэта многія кажуць, не толькі я, людзі нават абурыліся крыху: няўжо ў Беларусі няма мітрапаліта, які змяніў бы уладыку Філарэта, які выйшаў на пенсію?»
«Вядома, лепш, каб быў беларусам, каб ведаў нашы праблемы».
«Мяркую, нацыянальнасць значэння не мае, тут галоўнае — аўтарытэт чалавека ў рэлігійным асяроддзі, яго дасягненні».
«Вядома, не вельмі добра, калі чалавек нарадзіўся, дапусцім, недзе пад Хабараўскам ці Уладзівастокам. Адкуль ён ведае нашу спецыфіку? Лепш, калі б гэта быў мясцовы кадр. Мы ж ведаем, якія зараз скандалы ў Рускай праваслаўнай царкве, як неадназначна ацэньваюць дзейнасць патрыярха Кірыла».
«Галоўнае, каб чалавек быў добры і веруючы, каб ад яго карысць была Беларусі, а хто ён па нацыянальнасці, не мае значэння».
«Хацелася, каб гэта беларус быў, каб тут вырас, каб адчуваў радзіму сваю. Я разумею, што царква — яна як бы ўсёабдымная, але радзіму сваю чалавек павінен адчуваць. А што, у нас у Беларусі не знайшлося нікога? Усё-такі, я б сказаў, рука Масквы адчуваецца».
«Беларусы — народ цярплівы, разумны, справядлівы. Нам бы патрыярх-беларус быў самым добрым. Я — праваслаўная, хаджу ў царкву, люблю яе, паважаю і кланяюся, і ведаю, што толькі Гасподзь Бог дапаможа нам застацца людзьмі сапраўднымі».
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары