Фота Дзмітрыя Рагуліна, ИТАР-ТАСС.
Заходнія СМІ адрэагавалі на тэракт у Валгаградзе артыкуламі, дзе выказваюцца сумневы адносна бяспекі наведвання Алімпіяды ў Сочы, піша Газета.ru.
«Выбух ўсяго праз два месяцы пасля тэракту ў тым жа горадзе (смяротніца Наіда Асіялава падарвала аўтобус у Валгаградзе 21 кастрычніка) ўмацоўвае асцярогі ў магчымым нападзе ісламскіх баевікоў на аб'екты зімовай Алімпіяды, якую Расея збіраецца правесці ў горадзе Сочы на Чорным моры менш чым праз шэсць тыдняў», — піша The Telegraph.
«Наколькі бяспечная Алімпіяда ў Сочы?» — задаецца пытаннем CNN у сваім твітэры і прыводзіць спасылку на сюжэт тэлеканала, які распавядае аб тэрактах на Каўказе, блізкасці Сочы да праблемнага рэгіёна і арганізацыі бяспекі на расійскіх вакзалах.
У чэрвені лідар чачэнскай групоўкі Доку Умараў заклікаў сваіх тэрарыстаў засяродзіць падрыўную працу на Алімпіядзе, нагадвае Independent, адзначаючы, што «Валгаград знаходзіцца ўсяго ў 690 км ад Сочы».
