Былы канцлер Нямеччыны Герхард Шродэр вельмі актыўна пачаў шукаць падтрымку ў Эўразьвязе для расейска — нямецкага Паўночнага газаправоду. У 2010 годзе па трубаправодзе, які плянуецца збудаваць на дне Балтыйскага мора, з Расеі ў Нямеччыну павінен накіравацца газ.
Шродэр зьяўляецца кіраўніком назіральнай рады фірмы NordStream, што займаецца будовай газаправоду, спрабуе пераканаць чыноўнікаў у Брусэлі ў неабходнасьці такога праекту. Да такога кроку Шродэра схіліла рашэньне Эстоніі аб забароне будаваць магістраль на яе тэрытарыяльных водах.
Экс‑канцлер Нямеччыны намагаецца пераканаць Эўрапейску камісію ў важкасьці праекту для забясьпечэньня Эўропы газам. Такім чынам Шродэр хоча прадухіліць чарговыя пратэсты паўночных краінаў. Фірма NordStream занепакоеная магчымымі стратамі, паколькі расейскія й нямецкія гуты падпісалі кантракты на сотні мільёнаў эўра аб пастаўках абсталяваньня для будовы газаправоду.
Супраць паўстаньня газаправоду выказваюцца таксама экалягічныя арганізацыі. Справа ў тым, што ў ваколіцах выспаў Бархольм і Готлянд знаходзіцца каля 40 тыс. тонаў снарадаў з часоў ІІ сусьветнай вайны.
Супраць Паўночнага газаправоду выказваецца таксама й Польшча. Прычынай для гэтага зьўляецца ня толькі экалягічная бясьпека, але й занепакоенасьць, што расейска‑нямецкая магістраль, якая паўстае ў абыход Польшчы, адмоўным чынам паўплывае на энэргетычную бясьпеку краіны.